Бүгүн, бэс ыйын 15 күнүгэр, 11:00 чааска Саха сирин Ил Дархана Айсен Николаев эрэгийиэҥҥэ коронавирус балаһыанньатын туһунан брифинг ыытта.
Ил Дархан Айсен Николаев:
— Ыарыы тарҕанан иһэр. Өрөбүллэргэ дьаҥ туруоҕуттан ыалдьыбыт киһи ахсаана 3000-ны аһарда. Бүгүҥҥү күҥҥэ бигэргэммит анаалыстаах киһи ахсаана 3122 буолла. Бүтэһик сууккаҕа 85 киһи ыарыйда, онтон Дьокуускайга 71 киһи, Уус Алдаҥҥа 4 киһи, Хаҥаласка 3 киһи уонна хас да улууска биирдии киһи коронавируска сутулунна.
Билиҥҥи туругунан, 24 киһи ыарахан туруктаах, онтон биэһэ ИВЛ-аппараакка холбонон сытар. Бу барыта ыарыы өрөспүүбүлүкэҕэ тарҕанан иһэрин көрдөрөр.
Дьокуускайга бырааһынньык иннинэ, бэс ыйын 11 күнүгэр 54 киһи ыалдьыбыта, ол ахсаан элбээтэ. Тырааныспарга, уопсастыбаннай сирдэргэ, маҕаһыыннарга маасканы кэтии эрэсиимин салҕыыбыт.
edersaas.ru
+1
+1
+1
+1
+1
+1
+1