Айылҕа харыстабыла Сүрүн

Саха сиригэр 1086 га иэннээх 5 ойуур баһаара бохсулунна



Бу күннэргэ өрөспүүбүлүкэ түөрт улууһугар ойуур баһаардара  бааллара биллэр.

Суһал ыстаап киэһээҥҥи мунньаҕар СƟ Бырабыыталыстыбатын Бэрэссэдээтэлин бастакы солбуйааччыта Дмитрий Садовников Хаандыга таһыгар балаһыанньа уоскуйбутун үрдүнэн, Томпо улууһугар баһаары утары быраҕыллыбыт күүһү бэлэм хааларыгар дьаһал биэрдэ. Умуруорууга үлэлээбит дьону кытта ЫБММ  бөртөлүөтэ түргэнник дьайыыга бэлэм турукка хаалаллар.

Бүгүн баһаары умуруорууга “Якутлесресурс” 25,  ЫБММ  аэромобильнай бөлөҕүн 30 үлэһитэ,  судаарыстыбыннай баһаары утары сулууспа 11 бэрэстэбиитэлэ үлэлии сылдьаллар. Халлаантан кэтээһин түмүгүнэн ЛЭП таһыгар икки баһаар уота бэлиэтэммит.

Экология, айылҕаны туһаныы уонна тыа хаһаайыстыбатын миниистирин солбуйааччы Алексей Агеев биэрбит дааннайдарынан, Саха сиригэр бэс ыйын 10 күнүн киэһээтигэр 6 164 га иэннээх сири ааспыт 17 баһаары утары умуруоруу үлэлэрэ ыытылла тураллар.

Олортон 4 улууска 1086 га иэннээх 5 ойуур баһаарын тарҕаныыта  бохсулунна.

Уоту умуруорууга 1140 киһи уонна 143 тиэхиньикэ үлэлиир.

«Саха сирэ» хаһыат, edersaas.ru

Хаартыска sakha.gov.ru

0
0