“Саха сирэ” хаһыат (edersaas.ru саайт) Саха АССР 100 уонна Арассыыйа норуоттарын култууратын үйэлээх баайын сылларынан өрөспүүбүлүкэтээҕи ырыа куонкуруһун биллэрбитэ. Бастакы түһүмэххэ Үөһээ Бүлүүттэн, Уус Алдантан, Намтан уонна да атын улуустартан 23 кыттааччы сайаапкатын киллэрбитэ.
Ол курдук 23 кыттааччыттан дьүүллүүр сүбэ (композитор-мелодист, СӨ култууратын үтүөлээх үлэһитэ Алексей Калининскай, Култуура кэллиэһин дириэктэрэ Захар Никитин, суруналыыс, СӨ култууратын үтүөлээх үлэһитэ Татьяна Маркова) 12 бастыҥы талла. Онон түмүктүүр түһүмэххэ маннык кыттааччылар киирдилэр.
1. Михаил Спиридонов, Үөһээ Бүлүү. «Току-току ньээм-ньээм».
2. Леонид Максимов, 12 саастаах. Хаҥалас улууһун Тумул нэһилиэгэ. «Саха омук буоларбынан».
3. Иван Аммосов, Сунтаар. «Доҕоруом, ыл кэлиий».
4. Антонида Шестакова, Уус Алдан улууһа, Арыылаах нэһилиэгэ. «Эҕэрдэ ырыата».
5. Ариан Федоров, Үөһээ Бүлүү, «Үөрүү» (Семен Данилов хоһ., Аркадий Алексеев мат.)
6. Светлана Константинова, В.П. Ларионов аатынан физико-техническай лицей выпускницата, «Маҥнайгы учууталбар»
7. Иван Тордуянов, Уус Алдан улууһа, Мүрү нэһилиэгэ, «Ыыт, миигин ийэкээм, үөрэххэ»
8. «Дьүөгэлэр» ансаамбыл (салайааччы Елена Кутукова), Нам улууһун Нам сэлиэнньэтэ, «Кыталык»
9. Альбина Сергеева, Ньурба улууһа, Акана нэһилиэгэ. «Кырдьыбат вальс»
10. Вика Терехова, Уус Алдан улууһа, «Кэнчээри» кэлэктиип кытааччыта, «Төгүрүк алааскын эн таптаа» (аккомпаниатор Станислав Луковцев, художественнай салайааччы Василий Парников)
11. Виолетта Колесова, Уус Алдан улууһа, «Маҥнайгы хаар» (преподаватель Станислав Луковцев)
12. Розалия Окоемова, Уус Алдан улууһун Мүрү нэһилиэгэ, «Сайсары» норуот ырыата
Бэс ыйын 25 күнүгэр Туймаада ыһыаҕын 10-с нүөмэрдээх былаһааккатын түһүлгэтигэр «Саха сирэ» хаһыат тэрээһинин кэмигэр улахан дьоҥҥо үс, оҕолорго биир кыайыылаах ааттара биллиэҕэ.
+1
+1
+1
+1
+1
+1
+1