“Саха сирэ” урутаан сайдар сир резиденнэрин кытары Индия генеральнай посола көрүстэ

Бөлөххө киир:

Владивостокка Индия генеральнай посола Сай Мурали бүгүн Дьокуускай куоракка “Саха сирэ” урутаан сайдар сир резиденнэрин кытары көрсөн, инвестиционнай бырайыактар тустарынан кэпсэттэ.  

Тас дойдулары кытары сибээс уонна Саха Өрөспүүбүлүкэтин норуоттарын дьыалаларыгар миниистир Гаврил Кириллин иһитиннэрбитинэн, билигин министиэристибэ тас дойдулары кытары инвестордары Саха сирин бырайыактарыгар көҕүлүүргэ күүскэ үлэлиир. Санатан эттэххэ, билигин урутаан сайдар сирдэр бырайыактарыгар сүрдээх элбэх чэпчэтиилэр көрүллэн тураллар. Ол иһигэр нолуокка, административнай дьаһалларга, таможеннай зонаҕа тиийэ. Ону таһынан резиденнэр урутаан сайдар сир эбийиэктэригэр биэс сыл устата чэпчэки сыанаҕа былаһаакка наймылаһыахтарын сөп. Уһук Илин уонна Арктика сайдыытын корпорацията иһитиннэрбитинэн, билигин “Саха сирэ” урутаан сайдар сир бырайыактарыгар 32 тэрилтэ резидент быһыытынан сылдьар. Дуогабардарынан инвестиция быһыытынан киирбит уопсай үбүлээһин суумата 12,97 млрд солкуобайга тэҥнэһэр. Манна барыта 1800 үлэ миэстэтэ тэриллиэхтээх. Билигин 12 бырайыак номнуо олоххо киирэн турар, мантан өрөспүүбүлүкэ экэниэмикэтигэр 4 млрд солкуобай киирбит, 500 үлэ саҥа миэстэтэ аһыллыбыт.

Генеральнай консул ювелирнай-гранильнай кластер, индустриальнай паарка үлэтин-хамнаһын кытары билистэ. Сай Мурали этэринэн, Саха сиригэр бизнеһы ыытыыга бары усулуобуйа тэриллибит. “Нолуокка киирбит чэпчэтиилэр, судаарыстыба өттүттэн араас көмө, ону сэргэ инфраструктура сайдыыта барыта бизнеһи түргэнник атаҕар туруорууга көмө-тирэх буолаллар. Предпринимателлэргэ үчүгэй усулуобуйа тэриллибит диэн көрдүм”, – диэн бэлиэтиир кини.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0