Саха сирэ уонна «Роскосмос» каадырдары бэлэмнээһиҥҥэ үлэлиэхтэрэ

Ааптар: 
Бөлөххө киир:

Саха сиригэр “Роскосмос” корпорацияҕа аналлаах исписэлиистэри бэлэмниир үрдүк үөрэх кыһаларыгар тус  сыаллаах миэстэлэр көрүллүөхтэрэ. Бу туһунан Саха сирин бырабыыталыстыбата уонна “Роскосмос” госкорпорация эрдэ түһэриллибит дуогабарга эбии сөбүлэҥҥэ илии баттыахтара. Бу үөрэххэ туттарсыбыт оҕолор кэнники “Роскосмоска” үлэлиир кыахтаныахтарын туһунан СӨ бырабыыталыстыбатын бэрэссэдээтэлэ Андрей Тарсенко “Роскосмос” генеральнай дириэктэрин солбуйааччы Иван Харченконы кытта көрсүһүү кэнниттэн иһитиннэрдэ.

— Биһиги абитуриеннарбыт “Роскосмоска” билигин ордук наадалаах  идэлэргэ Арассыыйа техническэй үрдүк үөрэх кыһаларыгар үөрэниэхтэрэ. Бу  эбии миэстэлэр. Ону таһынан, оскуолаларга олимпиадалары ыытан, кыайыылаахтары “Роскосмос” Арассыыйатааҕы оҕо сынньанар кииннэригэр ыытар туһунан сөбүлэҥ түһэристибит – диэн кэпсээтэ Тарасенко.

Кини этэринэн, Саха сирэ госкорпорацияны кытта  оскуола оҕолорун космодромҥа экскурсияҕа ыытыахтара, космонавтика мусуойун саҥардыахтара, робототехниканы үөрэтэр комплекстар кэлиэхтэрэ.

Итиэннэ баһаартан сылтаан сибээһэ, интэриниэтэ суох хаалбыт нэһилиэнньэлээх пууннарга көмө туһунан кэпсэтии таҕыста. Ол курдук «Экспресс-АМ5» спутник көмөтүнэн интэриниэти сорох сэлиэнньэлэргэ тиэрдиэхтэрэ.

Саха Өрөспүүбүлүкэтин уонна “Роскосмос” госкорпорацияны кытта 2019 сыллаахха дуогабар түһэрсиллибитэ. Докумуоннары Санкт-Петербургдааҕы  аан дойдутааҕы экономическай пуорум чэрчитинэн, Ил Дархан Айсен Николаев уонна Госкорпорация генеральнай дириэктэрэ Дмитрий Рогозин илии баттаабыттара.

Хаартыска: www.sakha.gov.ru

+1
0
+1
0
+1
0
+1
0
+1
0
+1
0
+1
0