Саха сирэ уонна Монголия сылгыны иитиигэ сонун хайысхалары тобуллулар
Бу күннэргэ Саха сиригэр омук сирдэриттэн кэлбит дэлэгээссийэлэр араас хайысхалаах дьыалабыай көрсүһүүлэргэ кытталлар.
Бүгүн СӨ Бырабыыталыстыбатын Бэрэссэдээтэлэ Андрей Тарасенко Арассыыйаҕа Монголия Өрөспүүбүлүкэтин Эргиэҥҥэ бэрэстэбиитэлэ Саранжав Тувшинтур уонна Иркутскайга Монголия Генеральнай консула Зигмэд Энхжаргал атыыга уонна эргиэҥҥэ, экэнэмиичэскэй сыһыаннаһыыга кэскиллээх тосхоллору сүбэлэстилэр.
Биир сүрүн боппуруоһунан сылгы иитиитигэр кэккэ сонун сүүрээннэри тобулуу буолла. Монголия тириини таҥастааһыҥҥа улахан уопуттаах дойду. Онон Саранжав Тувшинтур тыа хаһаайыстыбатын тиэхиньикэтин уонна тирииттэн таҥас оҥорууга холбоһуктаах тэрилтэни тэрийии туһунан этиитэ үгүс киһини интэриэһиргэтэрэ чахчы. Маны таһынан, култуура, спорт уонна үөрэхтээһин боппуруостарыгар үгүс тосхол, кэскиллээх бырайыак торумнанна.
Елена ПОТОЦКАЯ, «Саха сирэ» хаһыат.