Саха сирэ уонна «Газпром нефть» бииргэ үлэлииргэ сөбүлэһии түһэристилэр...
Олох-дьаһах

Саха сирэ уонна «Газпром нефть» бииргэ үлэлииргэ сөбүлэһии түһэристилэр

Саха сирэ уонна «Газпром нефть» бииргэ үлэлээһиҥҥэ сөбүлэһиигэ илии баттаатылар.

Манан эрэгийиэҥҥэ суолга-иискэ, аэродромҥа уонна бырамыысыланнай тутууга, ону сэргэ, ОДьКХ аныгы битумунан хааччыллыы улаатыаҕын барыллыыллар. Докумуоҥҥа Ил Дархан Айсен Николаев уонна «Газпром нефть» Бырабылыанньатын бэрэссэдээтэлэ Александр Дюков илии баттаатылар.
Бииргэ үлэлээһин чэрчитинэн, Саха сиригэр «Газпром нефть» бу саҥа бородууксуйатын туһаныыны кэҥэтии  былааннанар. Сөбүлэһиигэ сүрүн хайысхаларынан эрэгийиэн усулуобуйатыгар аспаалы бүрүйүүгэ уонна састаапка киирэр компоненнары талыыга кэлимсэ боруобалааһыннары ыытыы киллэриллэллэр.
Онуоха 2020 сылга Саха сиригэр аспаал суолу ыпсарар лиэнтэлэри уонна аэродром суолугар-ииһигэр туһаныллар салгыны киллэрбэт самааскалары (герметиктэри) сылы эргиччи ыытар өрөмүөнү сыыдамсытарга анаан аҕалыы саҕаламмыт. 2020 сыл 10 ыйыгар «Газпром нефть» өрөспүүбүлүкэҕэ 24 тыһыынча туоннаттан ордук матырыйаалы ыыппыт.
Айсен Николаев «Газпром нефть» кытары көдьүүстээх бииргэ үлэлээһин Саха сиригэр массыына суолун тиһигин сайыннарыыга уонна суол-иис туһалыыр болдьоҕун уһатыыга көмөлөһүөҕүн бэлиэтиир. «Бүгүн Саха сиригэр элбэх суол тутулларыгар, өрөмүөннэнэригэр, тырааныспар инфраструктурата көхтөөхтүк сайдарыгар, бу салааҕа технологическай лиидэр бородууксуйатын туһаныы биһиги торумнаабыт бары бырайыактарбытын болдьоҕор уонна үрдүк хаачыстыбалаахтык толорон олоххо киллэрэрбитигэр кыаҕы биэриэҕэ», — диэн бэлиэтиир.
«Саха сирин күнэ-дьыла, килиимэтэ уустук эрэгийиэн буоларынан уонна киинтэн ыраах сытарынан, хампаанньаттан логистиканан уратытык толкуйдаан быһаарар ирдэнэр. Онуоха өрөспүүбүлүкэҕэ бу матырыйааллары  аҕаларга көдьүүстээх ньыманы тобуллубут. Онон эрэгийиэҥҥэ суолга-иискэ сыһыаннаах тэрилтэлэр уонна тутуу салаалара саҥа матырыйаалбыт хаачыстыбатын уонна сервиһи сыаналыыр кыахтаннылар.
«Газпром нефть» Саха сирин ураты килиимэтигэр анаан оҥорбут бу бородууксуйатын туһаныыны кэҥэтэргэ саҥа Сөбүлэһии көмөлөөх буолуоҕа. Бу эрэгийиэҥҥэ инфраструктурнай бырайыактары олоххо киллэриигэ көдьүүһү үрдэтиэ», — диэтэ «Газпром нефть» Бырабылыанньатын бэрэссэдээтэлэ Александр Дюков.
0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

2 × 3 =