2017 сылга «СӨ 2012-2019 сс. олохтоох туризмы уонна тастан дьону аҕалыы туризмын сайыннарыы» Судаарыстыбаннай бырагыраама чэрчитинэн бу салааҕа 110 мөл.022 тыһ.солк. бэриллибитэ. Ол иһигэр судаарыстыба бүддьүөтүттэн 60 мөл.697 тыһ.солк., олохтоох бүддьүөттэн 2 мөл.720 тыһ.солк. бүддьүөтү таһынан источниктартан 46 мөл.605, 0 тыһ.солк. Бу туһунан СӨ инвестиция уонна предпринимательство дьыалатын министиэристибэтэ иһитиннэрдэ.
Аммаҕа, Үөһээ Бүлүүгэ, Дьааҥыга, Мэҥэ Хаҥаласка, Намҥа, Өймөкөөҥҥө, Сунтаарга, Томпоҕо, Хаҥаласка уонна Дьокуускай куоракка 11 туристическай комплексы тэрийиигэ уонна сайыннарыыга судаарыстыба өйөбүлэ оҥоһулунна.
Олохтоох бэйэ оҥорон таһаарыытын сайыннарар соруктаах «Суол каартатын» олоххо киллэрии тиһиктээхтик салҕанар. Баатаҕай бөһүөлэгэр ыалдьыттары түһэрэргэ 22 миэстэлээх дьиэ сирэ-уота тупсарылынна, «Полярный дом» диэн 18 миэстэлээх гостиница Томторго тутулунна, Удачнайга «Алмазное приполярье» туристическай бырайыагы олоххо киллэрэргэ өйөбүл оҥоһулунна.
«Северная мозаика» туристарга аналлаах кластеры тутуу түмүктэнэн эрэр. «Норвежский парк» диэн сынньалаҥы тэрийэргэ туһуламмыт парка ыам ыйыттан үлэтин саҕалыа, «Кейтеринг» бырайыак уонна Скандинавия истииллээх дьиэ салгыы тутуллаллар.
Санатан эттэххэ, Саха өрөспүүбүлүкэтэ 2017 сыл түмүгүнэн «Лучшие из лучших» Арассыыйаҕа событийнай туризмы сайыннарыы Национальнай рейтинин Кыһыл көмүс лигатыгар киллэрилиннэ. Онно Саха сирэ РФ 85 регионуттан 12 бочуоттаах миэстэҕэ сылдьара элбэҕи этэр.
СӨ Бэрэсидьиэнин уонна бырабыыталыстыбатын пресс-сулууспата.
Айаал Черноградскай хаартыскаҕа түһэриитэ.