Маннык этиини «Национальный бестселлер» литературнай бириэмийэ лауреата, биллиилээх суруйааччы, быйылгы Тотальнай дьыктаан ааптара Андрей Геласимов киллэрдэ.
Санатан эттэххэ, Саха Өрөспүүбүлүкэтэ дьыктааны «очнай ньыманан» ыытыыга Арассыыйаҕа биэс иһигэр киирбитэ: Санкт-Петербург (2 600), Казань (2 534), Москва (1487), Дьокуускай (1 430) уонна Новосибирскай (1 139).
Бүтэһик сэттэ сылга Саха сиригэр дьыктааҥҥа аҕыс тыһыынча кэриҥэ киһи кыттыбыта. Араас сылларга аахсыйаҕа Нерюнгри, Мииринэй, Өймөкөөн, Анаабыр, Нам уонна да атын улуустар олохтоохторо кыттыбыттара.
Усулуобуйа быһыытынан, Дьыктаан киинигэр сүрүн былаһаакка тэриллиэхтээх. Онно ааптар тиэкиһи ааҕар уонна totaldict.ru саайтка официальнай трансляция оҥоһуллуохтаах.
Бүгүн, сэтинньи 10 күнүгэр, Москва бириэмэтинэн 12 чаастан куоластааһын саҕаланыаҕа. Онно саамай элбэх куолаһы ылбыт биэс куорат киириэҕэ. Куоластааһын сэтинньи 24 күнүгэр Москва бириэмэтинэн күнүс 12 чааска диэри ыытыллыаҕа.
Онон бу ссылканан киирэн, Саха сирин иһин куоластааҥ: http://totaldict.ru/voting_capital
edersaas.ru
+1
+1
+1
+1
+1
+1
+1