Олунньу 13 күнүгэр, Төрөөбүт төрүт тыл уонна сурук-бичик күнүн чэрчитинэн, Бырабыыталыстыба 2-c №-дээх дьиэтигэр үөрүүлээх тэрээһин ыытылынна.
edersaas.ru
СӨ Бырабыыталыстыбатын Бэрэссэдээтэлин солбуйааччы Сергей Местников Ил Дархан ыйааҕынан Василий Назарович Егоровка – Тумарчаҕа норуодунай суруйааччы үрдүк бэлиэтин туттарда. Санатар буоллахха, бу ааты Василий Назаровичка ааспыт сыл алтынньытыгар биэрбиттэрэ. Наҕараада хаһаайыныгар бүгүн туттарылынна.
Тумарча айымньыларыгар аныгы дэриэбинэ олоҕун, үүнэр көлүөнэ иитиитигэр кыһалҕалары кэпсиир. Бу үөрүүлээх күҥҥэ Василий Назарович улаханнык долгуйдум диэтэ:
—-Бүгүн сахалар бары бырааһынньыкпыт. Бу үрдүк ааты ыламмын сүрдээҕин үөрэн, долгуйан турабын. Бу ааты ыларбар улахан тургутууну аастым, тулуйан кэлбиппиттэн үөрэбин, дьоллонобун. Билигин аан дойду киһитэ бары тургутууну ааһа сылдьар. Онон барыгытыгар тулууру баҕарабын, – диэн норуодунай суруйааччы эттэ.
Виктория Бястинова