Саха сирэ социальнай эбийиэктэри тутууга 5 млрд солк. ылыаҕа

Бу туһунан от ыйын 25 күнүгэр РФ бырабыыталыстыбатын социальнай сайыннарыыга эбии көрүллэр үп боппуруостарын мунньаҕар билиннэ.

Арассыыйа бырабыыталыстыбатын бэрэссэдээтэлэ Дмитирй Медведев федеральнай бүддьүөттэн 15,5 млрд солк Уһук Илин биэс эрэгийиэнигэр, ол иһигэр Саха сиригэр бэриллэр диэн иһитиннэрдэ.

Ил Дархан Айсен Николаев мунньахха Саха сирэ Уһук Илиҥҥэ экэнэмиичэскэй сайдыыга биир бастыҥ көрдөрүүлээх эрэгийиэн буоларын бэлиэтээтэ. 2018 сыл түмүгүнэн Арассыыйаҕа Саха сирэ макроэкономическэй көрдөрүү улаатыытыгар 11-с миэстэҕэ турар.

Федеральнай бүддьүөттэн көрүллүбүт үп Саха сиригэр үс социальнай суолталаах эбийиэк тутулларыгар кыах биэриэ диэн Айсен Сергеевич эбэн эттэ. Бу – Дьокуускай Хаҥалаһыгар оскуола-саад, “Полярная звезда” оҕо сынньалаҥын уонна доруобуйатын тупсарар киин уонна 150 миэстэлээх өрөспүүбүлүкэтээҕи кардиологическай диспансер.

#ДФО #Якутия