Саха сирэ сайдыыны түстүүр стратегияны олоххо киллэриигэ ылыста.
Саха Өрөспүүбүлүкэтэ экэниэмикэ көрдөрүүтүнэн Арассыыйа уон бастыҥ эрэгийиэнин иһигэр киирэр. Эрэгийиэн баалабай бородууктатын 2018 сыллааҕы көрдөрүүтэ 1 трлн солк. тэҥнэһэр эбит буоллаҕына, ол 2021 сылга 1,29 трлн солк. диэри улааппыт. Бу туһунан Ил Дархан Айсен Николаев иһитиннэрдэ.
Саха сиригэр бырамыысылыннас оҥорон таһаарыытын индексэтэ ааспыт сыл таһымыттан 111,3 %-ҥа тэҥнэстэ. Бу көрдөрүү чоҕу уонна өҥнөөх металлары хостооһун элбээбитин кытта сибээстээх. Чоҕу хостооһун, антрациты байытыы 124,4 % улаапыт, бу — «Эльгауголь» АУо уонна «Денисовскай» хайаны байытар кэмбинээт таһаарыылаах үлэлэрин түмүгүнэн буолар. Ньиэп хостооһуна 109,7 %, гаас хостооһуна 132,5 % үрдээбитигэр, сүрүн оруолу Чайаҥдаҕа үлэлиир «Газпром» ПАУо ылар. Сүрүн хапытаалга эбии үп инвестиция быһыытынан киириитэ быйыл тохсунньу-ыам ыйдарга 135,96 млрд солк. тэҥнэспит.
Хаартыска: СИА