Саха сирэ Путин ыам ыйынааҕын ыйааҕын туһунан медиатека рейтинигэр топ-20 иһигэр киирдэ

Саха Өрөспүүбүлүкэтэ дойду бэрэсидьиэнэ Владимир Путин ыам ыйынааҕы 204 №-дээх Ыйааҕын туһунан медиарейтинг түмүгүнэн топ-20 иһигэр киирдэ.

edersaas.ru

Медиология сайтыгар Саха сирэ 14 миэстэҕэ сылдьар. Инники күөҥҥэ Краснодарскай кыраай, Татарстан өрөспүүбүлүкэтэ уонна Приморскай кыраай таҕыстылар.

Санатар буоллахха, 2024 сылга диэри дойдубут сайдыытын тосхолун быһаарар саҥа “ыам ыйынааҕы ыйааҕы” дойду бэрэсидьиэнэ Владимир Путин 2018 сыллаахха таһаарбыта.

Медиология сайта тутулуга суох рейтини ыытар. Ол түмүгэр Саха сирэ Арассыыйа 58 тыһыынча иһитиннэрэр-биллэрэр эйгэтигэр (тэлэбиидэнньэ, араадьыйа, хаһыат, сурунаал, интэриниэт ситим уо.д.а.) төһө элбэхтэ ахтыллыбытынан түмүк тахсар.

Ирина Ханды, “Саха сирэ” хаһыат, edersaas.ru