2021 сылга Саха сирэ «Экология» национальнай бырайыагынан ойуур баһаарын бохсууга үлэлиир 53 тиэхиньикэни, итиэннэ 200 мөлүйүөнтэн тахса суумаҕа баһаары бохсууга туттуллар 150 тэрили атыылаһыаҕа.
СӨ Айылҕа харыстабылыгар министиэристибэтин пресс-сулууспата иһитиннэрбитинэн, манна эбии 7,8 мөлүйүөн суумаҕа эмиэ араас тиэхиньикэ уонна тэрил атыылаһыллыаҕа. Ааспыт сылга өрөспүүбүлүкэ 25 маннык тиэхиньикэни, тэрили атыыласпыта. Онно 81,4 мөлүйүөн солкуобай барбыта.
Экэниэмикэ уонна социальнай инфраструктура эбийиэктэрин айылҕа баһаардарыттан харыстыырга былаан бигэргэннэ. Быйылгы сылга баһаарга 8600 киһи, 1 415 тиэхиньикэ, 48 салгын суудуната үлэлиирэ былааннанар.
+1
+1
+1
+1
+1
+1
+1