Саха сирэ киберспорду тэрийиигэ уопута, үөрүйэҕэ федеральнай биэдэмистибэлэргэ көдьүүстээх буолла

Ааптар: 
Бөлөххө киир:

Быйыл Саха  сирэ «Киберпатриокка» генеральнай партнерынан уонна сүрүн операторынан буолбута. Тэрээһин иккис сылын «Аармыйа-2022» диэн форумҥа ыытыллар.

Турнир быйыл олунньуттан саҕаламмыта, онно Арассыыйаттан уонна Белоруссияттан 120-тэн тахса хамаанда кыттыбыта.  Киберспортсменнар «Мир танков» уонна «Контрудар диэн диссипилиинэлэргэ күрэхтэһэллэр. Атырдьах ыйыгар «Аармыйа-2022» диэн форумҥа финал буола турар, РФ Оборуонаҕа, ИДь-ҕа, ЫБМ-га министиэристибэлэрин үрдүк үөрэхтэриттэн 16 хамаанда киирсэр.

«Киберпатриот» былаһааккатыгар компьютернай спорка турнир буола турар кэмигэр,  Ил Дархан Айсен Николаев өрөспүүбүлүкэбит киперспорт күрэхтэһиилэрин тэрийиигэ балай эмит уопуттааҕын  туһунан иһитиннэрдэ.  «Билигин киберспорт олус инникилээх уонна наадалаах буолла. Манна аналлаах исписэлиистэри  бэлэмнээн таһааран, бу эйгэни күүскэ сайыннарар  олоххо  ирдэбилэ буолла.  Тустаах министиэристибэлэри кытта бииргэ үлэлиирбит түмүгэр, киберспорт кластерын тэрийиигэ саҥа ньыманы, үөрүйэхтэри  баһылыахпыт диэн эрэнэбин», – диэн Айсен Николаев эттэ.

«Киберпатриот» былаһааккатын салайааччы Денис Алленов Саха сирин бырайыактыыр хамаандатын кытта  РФ Оборуонатын министиэристибэтин исписэлиистэрэ бииргэ үлэлээн,  Арассыыйа таһымыгар киберспорт күрэхтэһиитин тэрийиигэ балай эмит үөрүйэхтэммиттэрин, уопутурбуттарын туһунан иһитиннэрдэ.  «Саха сирин курдук улахан эрэгийиэн өйөбүл буолбута биһиэхэ улахан бочуот, чиэс. Биир бэйэм бары бииргэ үлэлиирбититтэн үөрэбин, инники өттүгэр улахан көдьүүстээх дьыаланы оҥоробут», – диэн «Киберпатриот» былаһааккатын салайааччы, полковник Денис Алленов быһааран биэрдэ.  Саха сирин хамаандата «Киберпатриот» былаһааккатыгар атырдьах ыйа бүтүөр диэри үлэлиэҕэ.

Санатар буоллахха,«Аармыйа-2022» диэн Арассыыйа таһымнаах байыаннай-тэхэньиичэскэй форум ахсыс төгүлүн атырдьах ыйын 15-21 күннэригэр ыытыллар. Тэрээһиҥҥэ 129 дойдуттан анал дэлэгээссийэлэр ыҥырыллыбыттар. Кинилэр ортолоругар Беларуссия, Индия, Казахстан, Пакистан уонна Узбекистан дойдулара бааллар.

+1
0
+1
0
+1
0
+1
0
+1
0
+1
0
+1
0