«Арктика – территория диалога» норуоттар икки ардыларынааҕы Арктическай форум Санкт-Петербурга муус устар 9-10 күннэригэр ыытыллар. Икки сылга биирдэ буолар далааһыннаах тэрээһин Арктика территориятын социальнай-экономическай сайдыытын тирээн турар боппуруостарын дьүүллэһиигэ тутаах былаһаакканан буолар. Бу туһунан СӨ Тас сибээскэ уонна норуоттар дьыалаларыгар министиэристибэтин пресс-сулууспата иһитиннэрэр.
Форумҥа норуоттар икки ардыларынааҕы түмсүүлэр, Арассыыйа уонна тас дойдулар дьыалабыай уонна академическай холбоһуктарын чилиэннэрэ, Арктика кыһалҕатынан дьарыктанар уопсастыбаннай диэйэтэллэр, уо.д.а. кыттыыны ылыахтара. «Арктика. Океан возможностей» диэн тиэмэҕэ быйылгы тэрээһин кыттыылаахтарын сүрүн болҕомтолоро туһаайыллыа.
Саха Өрөспүүбүлүкэтэ бу далааһыннаах тэрээһиҥҥэ дьыалабыай кэпсэтиигэ кыттыаҕа уонна быыстапкаҕа инвестиционнай бырайыактары билиһиннэриэ. Маны сэргэ, Сөбүлэһиигэ илии баттаныллара былааннанар. Сөбүлэһиигэ СӨ Бырабыыталыстыбата, «Средне-Невскэйдээҕи суудунаны тутар собуот», «Жатайдааҕы судоверфь» АУо бииргэ үлэлээһиннэригэр Сөбүлэһии; тэрилтэлэргэ суудунаны тутууга уонна өрөмүөннээһиҥҥэ үрдүк квалификациялаах каадырдары бэлэмнээһиҥҥэ, бииргэ научнай-техническэй чинчийиилэри оҥорууга, икки өртүттэн туһалаах уонна барыстаах буоларга «Балтийскай собуот» уонна «Жатайдааҕы судоверфь» АУо холбоһуктаах бырайыактарын бэлэмнээһин, олоххо киллэрии туһунан, о.д.а баар буолуохтара диэн суруллар.
+1
+1
+1
+1
+1
+1
+1