Бэҕэһээ, олунньу 15 күнүгэр, тырааныспар уонна суол хаһаайыстыбатын миниистирэ Владимир Сивцев «Өлүөнэтээҕи холбоһуктаах пароходство» ПАУо Өлүөхүмэтээҕи судоходнай учаастак салайааччыта Иван Игнашевы кытары көрүстэ.
Сүбэ мунньах кэмигэр быйылгы навигацияҕа пассажирдары таһыы тула кэпсэттилэр.
Владимир Сивцев иһитиннэрбитинэн, өрөспүүбүлүкэҕэ Ленатурфлоты кытары икки «Валдай» суудунаны атыылаһыы соруга турар. Онон биир суудуна Өлүөхүмэ — Ленскэй хайысхатынан сылдьыаҕын туһунан кэпсэттилэр.
Санатан эттэххэ, 2021 сылга Өлүөхүмэ куоракка Олоҥхо ыһыаҕа ыытыллыахтаах. Билигин онно бэлэмнэнии үлэтэ ыытыллар. Владимир Сивцев Иван Игнашевы кытары өрүһүнэн дьону таһыы туһунан кэпсэттилэр.
СӨ Тырааныспарын уонна суол хаһаайыстыбатын пресс-сулууспата