Бу күннэргэ коронавирус эпидиэмийэтэ бүрүүкээн, бары дьиэттэн тахсыбакка олорорго күһэлиннибит.
edersaas.ru
«Сахамедиа» холдинг сурутууга отдела волонтердар өйөбүллэринэн «ЯКУТИЯ» уонна «САХА СИРЭ» хаһыаттары дьиэҕэ тиэрдэр сонун ньыманы тобулла. Онон, күндү ааҕааччыларбыт, араас сакааһы оҥороргутугар сибиэһэй хаһыаты эмиэ сакаастыаххытын сөп. Биир хаһыат сыаната — 22 солк. Бу көннөрү күҥҥэ бэчээт киоскаларыгар атыыланар хаһыаттар сыаналарынааҕар чэпчэки.
Хаһыаты сакаастыыргытыгар волонтердар нүөмэрдэрэ бу аккырыыкка аллараатыгар сурулла сылдьар. Маны тэҥэ 88002003411 — «итии лиинийэҕэ» эрийэн, хаһыаты хайдах сакаастыыры билсиҥ.
Бүгүн, чэппиэргэ, «Саха сирэ» халыҥ хаһыат саҥа нүөмэрэ таҕыста. Бэрт интэриэһинэй ис хоһоонноох хаһыаты волонтердарга сакаастаабыт аскытын-үөлгүтүн кытта тэҥҥэ сакаастаан ааҕыҥ.
Елена ПОТОЦКАЯ, «Саха сирэ» хаһыат, edersaas.ru