«Саха сирэ» хаһыат тэрийэр өрөспүүбүлүкэтээҕи ырыа куонкуруһугар сайаапкалары хомуйуу салҕанар
“Саха сирэ” хаһыат (edersaas.ru саайт) Саха АССР 100 уонна Арассыыйа норуоттарын култууратын үйэлээх баайын сылларынан өрөспүүбүлүкэтээҕи ырыа куонкуруһун ыам ыйын 23 күнүттэн биллэрбитэ.
Куонкуруска сайаапкалары хомуйуу бэс ыйын 15 күнүгэр диэри ыытыллар. Куонкурус урукку сахалыы ырыалары сөргүтэр, дьоҥҥо-сэргэҕэ тарҕатар сыаллаах. Манна муусукаҕа, ырыаҕа анал үөрэҕэ суох дьон кытталлар. Бүгүҥҥү туругунан Сунтаартан, Бүлүүттэн, Хаҥаластан, Кэбээйиттэн, Дьокуускайтан кыттааччылар сайаапкаларын, видеоларын ыыттылар.
ЫСПЫРААПКА:
Толорбут ырыаҕытын видеоҕа устан телеграмҥа 89841173449 нүөмэргэ ыытаҕыт.
— Куонкуруска кыттааччылар саастарынан бөлөххө арахсаллар: Бастакы бөлөххө оскуола оҕолоро (орто сүһүөх уонна үрдүкү кылаас үөрэнээччилэрэ) уонна иккис бөлөххө улахан дьон кытталлар. Сайаапкаҕытыгар ааккытын-суолгутун, улуускутун, нэһилиэккитин, төлөпүөҥҥүтүн суруйаҕыт уонна бэйэҕит тускутунан кылгастык билиһиннэрэҕит
— Кыттыы: босхо.
— Түмүктүүр түһүмэххэ киирбит ырыаһыттар “Саха сирэ” хаһыат бэс ыйын 25 күнүгэр Дьокуускай куоракка Үс Хатыҥҥа “Туймаада ыһыаҕар” ыытар тэрээһинигэр кытталлар. Манна үс бастыҥҥа сыаналаах бириистэр, дипломнар туттарыллыахтара.
edersaas.ru