“Саха сирэ” хаһыакка чэпчэтиилээх сурутуу муус устар 30 күнүгэр диэри уһаата

“Саха сирэ” хаһыакка чэпчэтиилээх сурутуу бу дьыл муус устар 30 күнүгэр диэри уһаата. Ол туһунан биһиэхэ “Сахамедиа” РИИХ АУо Сурутууга отделын үлэһитэ Светлана Борисова маннык кэпсээтэ:

— Билэргит курдук, Бүтүн Арассыыйатааҕы чэпчэтиилээх сурутуу декадата муус устар 14 күнүнэн түмүктэммитэ. Ону биһиги “Сахамедиа” тэрилтэбит (генеральнай дириэктэр В.Д.Колесов)  муус устар 30 күнүгэр диэри уһатта. Онон “Саха сирэ” хаһыат ааҕааччылара чэпчэкитик суруйтарар кыахтанныгыт.

Хаһыаппыт сыанатын 500 солк. курдугунан чэпчэттибит. Ол курдук, бастакы зонаҕа – 995 солк. буолла (дьиҥнээх сыаната — 1442 солк.).

Иккис зонаҕа – 1385 солк. буолла (дьиҥнээх сыаната — 1832 солк.).

Ону сэргэ “Саха сирэ “хаһыат+ “Якутия” хаһыат диэн икки хаһыаты тэҥинэн сурутуоххутун сөп. Кэмпилиэккэ сурутуу олус барыстаах:

Бастакы зонаҕа – чэпчэтиинэн 1894 солк. (2330 этэ).

Иккис зонаҕа – чэпчэтиинэн 2673 солк. (3110 этэ).

Быһата, “Сахамедиа” РИИХ аахсыйалаах уопсастыба “Саха сирэ” уонна “Якутия” хаһыаттарга чэпчэтиилээх сурутуута 30 бырыһыан курдук чэпчээтэ.

Онон “Саха сирэ” хаһыакка “Арассыыйа почтатын” бары салааларыгар суруйтарыҥ. Ону тэҥэ сайаапкалары бу төлөпүөнүнэн эмиэ ылабыт: 8(914)300-24-68

sakhamedia.ru/podpiska саайтынан эмиэ биэриэххитин сөп.

Бэлэмнээтэ Женни Стрюкова