Бүҥҥүттэн, муус устар 20 күнүттэн, өрөспүүбүлүкэ хаһыаттарыгар чэпчэтиилээх сурутуу саҕаланна.
edersaas.ru
Чэпчэтиилээх сурутуу аахсыйата 10 күн устата барыаҕа. Бу болдьоххо Арассыыйа почтатын нөҥүө суруппут дьон хаһыаттарга уонна сурунаалларга 40% -наах чэпчэтиинэн туһаныахтара. 2020 сыл иккис аҥаарыгар 1700-тэн тахса араас бэчээт таһаарыытыгар суруттарыахха сөп. Почтаҕа бэйэтигэр тиийбэккэ эрэ podpiska.pochta.ru саайтыгар эбэтэр сыстыганнаах дьаҥ кэмигэр дьиэнэн сылдьар почтальоннарга сурутуохха сөп. Бу туһунан Арассыыйа почтатын Саха сиринээҕи филиалын пресс-сулууспата иһиттиннэрэр.
«Сахамедиа» холдинг «Саха сирэ» уонна «Якутия» хаһыаттарыгар чэпчэтиилээх сурутуу муус устар 20 күнүттэн 30 күнүгэр диэри ыытыллар.
«Саха сирэ» хаһыакка чэпчэтиилээх сурутуу: 1 зона (киин улуустар) — 810 солк; 2 зона (хоту улуустар) — 1116,30 солк. Тэҥнээн көрүүгэ: чэпчэтиитэ суох сыана — 1 зона — 1 315,38 солк.; 2 зона — 1 676,64 солк.
Чэпчэтиилээх сурутуу аахсыйатыгар кыттан, «Саха сирэ» хаһыакка сурутуон баҕалаах дьон медиахолдинг Сурутуу отделыгар сарсыарда 9 ч. киэһэ 18 ч. диэри 8-961-869-65-60 нүөмэргэ эрийэн билсиҥ.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1