Дьахтар төрөөбүтүн туһунан сэртипикээт б.дь. от ыйын 1 күнүттэн, оттон «больничнай» лиис 2022 сыл тохсунньутуттан электроннай көрүҥүнэн бэриллиэхтэрэ.
Бу боппуруостары Ил Дархан Айсен Николаев РФ Социальнай страховкалааһын пуондатын Саха сиринээҕи салаатын эрэгийиэннээҕи управляющайа Марина Германы кытта кэпсэттэ. Аҕа баһылык былырыын сыстыганнаах дьаҥ кэмигэр үлэлээбит эмчиттэргэ тустаах төлөбүрү каарталарыгар түһэриигэ пуонда тэрээһиннээх үлэни тэрийбитигэр махтанна. Маны тэҥэ 65 саастарыттан үөһээ саастаах дьоҥҥо көрүллүбүт босуобуйаны эмиэ кэмигэр түҥэппиттэрэ.
Сиһилии электроннай докумуоннар хайдах былааннаахтык олоххо киириэхтэрин, санаторнай-курортнай сынньалаҥы тэрийии туһунан өрүттэр сиһилии ырыппыттарын туһунан Ил Дархан уонна СӨ Бырабыыталыстыбатын пресс-сулууспата иһитиннэрдэ.
Елена ПОТОЦКАЯ, «Саха сирэ» хаһыат, edersaas.ru