Сүрүн Уопсастыба

Саха сирэ Донецкайга оскуолалары өрөмүөннүүргэ көмөлөһөр

Донецкай норуодунай өрөспүүбүлүкэҕэ билиҥҥи кэмҥэ 407 оскуола өрөмүөннэнэр, онтон 208-а — РФ эрэгийиэннэрин көмөтүнэн. Ол иһигэр Харцызск, Шахтерск уонна Кировскай оскуолалара бааллар. Бу үлэҕэ Арассыыйаттан Нижегородскай уобалас, Сахалинскай уобалас уонна Саха сирэ көмөлөһө сылдьалларын туһунан Донецкай норуодунай өрөспүүбүлүкэ баһылыга Денис Пушилин Телеграм-ханаалыгар иһитиннэрдэ.

«Оскуола дириэктэрдэрэ үөрүүлэрэ муҥура суох. Кировскайга оскуола эркиннэрэ эрэ хаалбыттар, онон манна хапытаалынай өрөмүөн бара турар. Украина саҕана бу оскуолаларга уонунан сыллар тухары өрөмүөн ыытыллыбатаҕа. Арассыыйа кэлэн дьон олоҕо тупсарыгар сүдү үлэни ыытан эрэр», — диэн Пушилин суруйар уонна көмө-тирэх буолбут эрэгийиэннэр баһылыктарыгар, вице-премьергэ Юрий Трутневка махталын тиэрдэр.

edersaas.ru

0
1
Telegram Whatsapp