Сүрүн Уопсастыба

Саха сирэ: «Демография» национальнай бырайыак

«Демография» национальнай бырайыак иитинэн Саха сиригэр биэс эрэгийиэннээҕи бырайыак үлэлиир. Ол бырайыактары олоххо киллэриигэ уопсайа 5,7 млрд солк. үп-харчы көрүллүөхтээх.

edersaas.ru

 

«Финансовая поддержка семей при рождении детей» эрэгийиэннээҕи бырайыакка олоҕуран 16 тыһыынча кэриҥэ ыал үбүнэн көмө ылла. Оҕолоох ыалларга анаан биэс араас көмө оҥоһуллар. Холобур, алтынньы 23 күнүнээҕи туругунан бастакы оҕолорун оҕоломмут 2300 ыалга 35320 солкуобайдаах биир кэмнээх төлөбүр оҥоһуллунна. Маны таһынан иккис оҕолорун оҕоломмут 2531 ыал эрэгийиэннээҕи ийэ хапытаалынан туһанар бырааптаннылар.

Онтон үһүс уонна онтон элбэх оҕону төрөппүт 6123 ыал ый ахсын 17660 солкуобайдаах төлөбүрү ылар. Итиэннэ бастакы оҕолорун төрөппүт 7120 ыал ый ахсын 17660 солк. төлөнөр.

«Содействие занятости женщин — создание условий дошкольного образования для детей в возрасте до трех лет» эрэгийиэннээҕи бырайыак чэрчитинэн, бу сыл бүтүөр диэри Дьокуускайга, Ньурбаҕа уонна Сунтаарга үс уһуйаан үлэҕэ киириэхтээх.

Киһи олоҕун уһунун уһатар сыаллаах үс эрэгийиэннээҕи бырайыак үлэлиир: «Старшее поколение», «Спорт – норма жизни» уонна «Укрепление общественного здоровья».

edersaas.ru

0
0

Добавить комментарий