Саха сирэ балаһыанньаларын тупсарбыт эригийиэннэр ТОП-10 рейтиннэригэр киирдэ

Ааптар: 
Бөлөххө киир:

Бу маннык дьоһуннаах ситиһии биисинэһи өйөөн уонна федеральнай уорганнары кытта бииргэ үлэлээһин түмүгэр ситиһилиннэ.

Саха сирэ үс сыл иһигэр балаһыанньаны тупсарыы кэккэ хайысхаларынан Национальнай рейтиҥҥэ инники күөҥҥэ таҕыста. Уһук Илиҥҥэ инвестордары өйөөһүн тиһигэ саамай сайдыбыт көрүҥүнэн буолар. Бу өрүт эригийиэннэр, полпред Юрий Трутнев бэйэ-бэйэлэрин кытта бииргэ үлэлээһиннэрин түмүгэ. Төһө да уустук түгэннэр баалларын үрдүнэн, инвестиция килиимэтэ эригийиэҥҥэ биллэ тубуста. Бу биисинэскэ эрэ буолбакка, олохтоох дьоҥҥо кытта туһалыахтааҕа биллэр. Ол эбэтэр инвестиция бырайыактара олоххо киириилэригэр олохтоох матырыйаал уонна каадыр эмиэ кыттыахтаах. Өрөспүүбүлүкэҕэ урутаан сайдыы икки территорията баар: ТОР «Якутия» уонна ТОР «Южная Якутия». Манна 9 943 үлэ миэстэтэ тэриллиэхтээх. Эригийиэннэр балаһыанньаларын тупсарыылара орто уонна дьоҕус биисинэһи сайыннарыыны өйөөһүн тэтимирбитин кытта ыкса дьүөрэлээх.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0