Саха сирэ “Арассыыйа лидердэрэ” салайааччылар төрдүс куонкурустарыгар Уһук Илинтэн сайаапканы биэриигэ ТОП-3 эрэгийиэн иһигэр киирдэ

“Арассыыйа – кыах дойдута” бэрэсидьиэн платформатын “Арассыыйа лидердэрэ” бырайыагын салайааччылар төрдүс коункурустарыгар Саха сириттэн 340 сайаапка киирдэ.

Саха сирэ Уһук Илин федеральнай уокуругуттан үһүс көхтөөх эрэгийиэнинэн ааттанна. Билиҥҥи туругунан бу куонкуруска уопсайа 100 тыһыынча сайаапка киирбит. Сайаапканы хомуйуу 5 күнүнэн түмүктэнэр. Куонкуруска регистрация муус устар 26 күнүгэр 23:59 мүнүүтэҕэ  ЛидерыРоссии.рф. саайтыгар Москва бириэмэтинэн түмүктэниэҕэ.

Кулун тутар 26 күнүгэр “Арассыыйа – кыах дойдута” Кэтээн көрөр сэбиэтин мунньаҕар Арассыыйа Бэрэсидьиэнэ Владимир Путин төрдүс куонкуруска сайаапкалары хомуйууну өйүүрүн биллэрбитэ. Быйылгы күрэхтэһии уратыта – саҥа тректэр. “Наука” уонна “Доруобуйа харыстабыла” диэн былырыын киирбиттэргэ “Биисинэс уонна бырамыысыланнас”, “Судаарыстыба салайыыта”, “Култуура”, “Иһитиннэрэр технологиялар” эбилиннилэр. Муус устар 8 күнүгэр баларга “Устудьуоннар” трек эбиллибитэ. Муус устар 14 күнүгэр “Норуоттар икки ардыларынааҕы”.

Бу куонкуруска кыттарга Киин федеральнай уокуруктан ыытыллыбыт сайаапкаттан 35,55% киирбит. Иккис миэстэҕэ – Приволжье федеральнай уокуруга (16,48 быр.). Салгыы Хотугулуу-Арҕааҥҥы, Урал, Сибиир, Соҕурууҥҥу уокуруктар кэлэллэр. Уһук Илин (4,1%) уонна Хотугу Кавказ уокуруга (3,22%. )

Уһук Илин федеральнай уокуругуттан Приморье (603 сайаапка), Хабаровскай кыраай (497 сайаапка) уонна Саха Өрөспүүбүлүкэтэ (340 сайаапка) көхтөөхтөр.

“Бүгүҥҥү күҥҥэ Арассыыйа эрэгийиэннэриттэн 100 тыһыынчаттан тахса сайаапканы ыллыбыт. 31-тэн 35 диэри — 27%, 36-н 40 диэри — 26% киирдэ. Сүрүннээн куонкуруска эр дьон кыттаары регистрацияланар — 73%, — диэтэ “Арассыыйа –кыах дойдута” АНУо генеральнай дириэктэрэ Алексей Комиссаров.

Билиҥҥи туругунан киирбит сайаапканан көрдөххө, бастакы — Москва (12407 сайаапка), иккис — Санкт Петербург (5116), үһүс – Москва уобалаһа (4167 сайаапка). ТОП-20 эрэгийиэҥҥэ  Свердловскай уобалас, Краснодар кыраайа, Нижегородскай уобалас, Татарстан Өрөспүүбүлүкэтэ, Самара уобалаһа, Ростов уобалаһа, Новосибирскай уобалаһа, Башкортостан уобалаһа, Челябинскай уобалаһа, Красноярскай кыраай, Хансы-Мансийскай автономнай уокурук, Тюмень уобалаһа, Пермь кыраайа, Иркутскай уобалаһа, Ставрополье кыраайа, Воронеж уобалаһа, Ленинград уобалаһа киирдилэр.

Куонкурус кыайыылаахтара үөрэнэргэ мөлүйүөн солкуобайдаах граны ылыахтара уонна Арассыыйа бастыҥ салайааччытын кытта үлэлиэхтэрэ.

Sakha.gov.ru саайтан.