Бэлиитикэ Сүрүн Уопсастыба Үөрэх уонна наука

Саха сирэ аныгы үөрэх эйгэтин тэрийэр үлэни саҕалыыр пилотнай эрэгийиэннэртэн биирдэстэринэн буолла



Саха сирэ «ВЭБ.РФ» сайдыы судаарыстыбаннай корпорациятын кытта бииргэ үлэлэһиигэ илии баттаста. Илии баттааһыы үөрүүлээх тэрээһинэ ПМЭФ-2021 иитинэн «Большая перемена: инвестируем в будущее» сессиятыгар буолла. Сөбүлэһиигэ СӨ Ил Дархана Айсен Николаев уонна ВЭБ.РФ бэрэссэдээтэлэ Игорь Шувалов илии баттаатылар. Манна РФ үөрэҕириигэ миниистирэ Сергей Кравцов уонна «Просвещение» хампаанньалар бөлөхтөрүн бэрэсидьиэнэ Владимир Узун кытыннылар.

edersaas.ru

Илии баттаһыыта Саха сирин, инники күөҥҥэ сылдьар тэриллэринэн хааччыллыбыт уонна бастыҥ инфраструктуралаах саҥа оскуолалары тутуу, дойдуга саамай киэҥ хабааннаах бырагырамаларын испииһэгэр киллэриини туоһулуур. Тустаах бырагыраама – Арассыыйа Үөрэҕириигэ министиэристибэтэ салайар “Үөрэх” национальнай бырайыагын сүрүнэ буолар.

Эрэгийиэннэргэ оскуола тутуутун бырайыактара «Просвещение» хампаанньалар бөлөхтөрө — «ПроШкола» ХЭУо  нөҥүө олоххо киириэҕэ. Бу бырабыыталыстыбанан бигэргэммит концессионер, манан РФ субъектара уонна муниципальнай тэриллиилэр саҥа оскуолалары тэрийиигэ куонкуруһа суох концессионнай сөбүлэһиини баттаһыахтарын сөп.

ВЭБ.РФ саҥа стратегия партнердарын тэрийиигэ туһаайыллар. Оскуоланы тутуу социальнай суолталаах сорук маннык моделынан эрэ олоххо киирэригэр эрэллээхпит. ВЭБ.РФ бырабылыанньата Бэрэсидьиэн сорудаҕын толорор инниттэн ВЭБ.РФ ПроШколаҕа киллэрэри өйүүр быһаарыыны ылыммыта.

Биһиги сорукпутунан, ПроШкола кыттыытынан олоххо киллэрии былааннанар бырайыактарынан судаарыстыбаннай өйөбүл миэрэлэрин ылар оскуолалаах субъектарга методологическай уонна тэрийэр өйөбүлү, бырайыактары үбүлээһини тэрийии схематын оҥорууга уонна ПроШкола бииргэ үлэлэһэр бааннары кытта кыттыылаах олоххо киирэр бырайыактары үбүлээһиҥҥэ кыттарга көмөлөһөр былааны көрөбүт”, — диэн ВЭБ.РФ бэрэссэдээтэлэ Игорь Шувалов бэлиэтээтэ.

Илии баттаһыы иитинэн ВЭБ.РФ Саха сиригэр суударыстыбаннай өйөбүлү ыларга сайаапканы бэлэмнээһиҥҥэ методологическай уонна тэрийэр өттүгэр көмөлөһүөҕэ. Сөбүлэһиигэ олоҕуран, биэс сыл иһигэр 12,5 тыһыынча миэстэлээх оскуола 10 эбийиэгин тэрийэри былаанныыллар.

Оскуолаҕа миэстэ тиийбэт кыһалҕата уонна аныгы үөрэх инфраструктуратын тэрийии – биһиги өрөспүүбүлүкэбитигэр кэлиҥҥи сылларга көхтөөтүк үлэлэһэр сытыы боппуруостарбытыттан биирдэстэрэ. Бүгүн Саха сиригэр 641 оскуола баарыттан, 102 оскуола икки симиэнэлээх. Онно өссө даҕаны 27 тыһыынчаттан тахса оҕо үөрэнэр. ВЭБ.РФ кытта сөбүлэҥ түһэрсиибит биир симиэнэҕэ көһүүгэ уонна оҕолорбут сайдалларыгар, талааннарын арыйарга ирдэнэр бары усулуобуйаны тэрийэргэ үлэ тэтимин түргэтэтэригэр эрэллээхпин”, — диэн Айсен Николаев бэлиэтээтэ.

ВЭБ.РФ өйөбүлүнэн оскуола тутуутун үбүлээһин быраабылата, ону тэҥэ, судаарыстыбаннай-чааһынай бииргэ үлэлэһии бириинсиптэрин быраабылата Арассыыйа Бырабыыталыстыбатын “РФ Үөрэҕи сайыннарыы” судаарыстыбаннай бырагырааматыгар уларытыылары киллэрии туһунан” уурааҕар бэлиэтэнэ сылдьар. Бу олоххо киириитэ “Үөрэх” национальнай бырайыак сыалын ситиһэр – 2030 сылга Арассыыйа үөрэх хаачыстыбатынан уон бастыҥ дойду ахсааныгар тахсар соругу ситиһиигэ сүрүн элэмиэнинэн буолар.

 

 СӨ Ил Дарханын уонна СӨ Бырабыыталыстыбатын пресс-сулууспата.

 

 

0
0