Саха сирэ аһынан-үөлүнэн хааччыллан олорор

Бөлөххө киир:

Өрөспүүбүлүкэ маҕаһыыннарыгар ас-үөл дэлэччи, ыскылааттарга да саппаас баар диэн иһитиннэрэр СӨ бырабыыталыстыбатын бэрэссэдээтэлэ Андрей Тарасенко атыынан-тутуунан дьарыктанар урбаанньыттары кытары көрсүһүүтүн кэнниттэн.

– Урбаанньыттары кытары көрсөн табаардары ылыыга, аҕалыыга туох кыһалҕа баарын кэпсэттибит. Бүгүҥҥү туругунан, тимир суолунан таһаҕаһы аҕалыыга богуоннар тиийбэттэрин бэлиэтээтилэр. Бу боппуруоһу “Арассыыйа тимир суоллара” хампаанньаны кытары кэпсэтиэхпит. Ону сэргэ урбаанньыттар дьаҥ-дьаһах утары охсуһууга ылыныллыбыт миэрэлэри сымнатарга эттилэр, – диэн бэлиэтиир премьер-миниистир Андрей Тарасенко.

Ил Дархан Айсен Николаев сорудаҕынан билигин өрөспүүбүлүкэ үрдүнэн ас-үөл баарын-суоҕун, сыана үрдээһинин хонтуруоллааһын күннэтэ бара турар. Маҕаһыыннар кыһыҥҥы суол сабыллыан иннинэ табаардарын эрдэ хаһааммыт буоланнар, билиҥҥитэ Саха сирэ аһынан-үөлүнэн, нэһилиэнньэ туттар малынан хааччыллан олорор.

Аграфена КУЗЬМИНА.

+1
0
+1
0
+1
0
+1
0
+1
0
+1
0
+1
0