Саха сирин Экологияҕа министиэристибэтэ атырдьах ыйын 9 күнүнээҕи туругунан ойуур баһаардарын туругун туһунан иһитиннэрдэ.
Атырдьах ыйын 9 күнүгэр ойуурга турбут 12 баһаары умуллараллар: итилэртэн аҕыһа өссө да умайар, түөрт баһаар бохсулунна. Тыаҕа 1178 гектардаах сиргэ уот сиир.
Умулларыыга 639 киһи кыттар, ити иһигэр ойууру сиринэн харабыллыыр 104 киһи, 270 парашютист уонна десантник, ЫБММ 110 үлэһитэ. Кинилэргэ олохтоохтортон 150 киһи көмөлөһөр. Уоту утары охсуһааччылар 40 тиэхиньикэни туһаналлар.
Тэйиччи сытар уонна мөлтөх суоллаах-иистээх сирдэргэ ойууру кэтээн көрөллөр уонна ИСДМ-Рослесхоз космостан хонтуруоллуур. Онно көстүбүтүнэн 147 “итии туочука” баар.
СИА.
+1
+1
+1
+1
+1
+1
+1