Саха сирин киэн туттар суоппара — Николай Дьяконов!

Ааптар: 
Бөлөххө киир:

«Гордость Якутии» норуот бириэмийэтин «Тырааныспар үлэһитэ» номинациятыгар куоластааһын түмүктэннэ. Куоластааһын түмүгүнэн кыайыылааҕынан Мэҥэ Хаҥалас улууһуттан «ТехКоммунСервис» муниципальнай унитарнай тэрилтэ суоппара Николай Дьяконов буолла. Бу туһунан ЯСИА биллэрдэ.

edersaas.ru

Бу күрэххэ барыта уон аҕыс киһи сүүмэрдэнэн тахсыбыта өрөспүүбүлүкэ бары муннуктарыттан сылдьар суол-иис эйгэтигэр сыһыаннаах үлэһиттэр. Бэйэлэрин кандидатураларын суол, өрүс, авиация эйгэтигэр олохторун анаабыт дьоннор туруорбуттара. Кинилэр бары дьаныардаах, үтүө суобастаах үлэлэринэн киэҥник биллэр, бүтүн өрөспүүбүлүкэ киэн туттар дьонноро буолаллар.

Түмүктүүр түһүмэххэ, сүүмэрдиир куоластааһын түмүгүнэн биэс кыттааччы таҕыста. Кинилэр тустарыгар нэдиэлэ устата тыһыынчанан Саха сирин олохтоохторо куоластаабыттара.  Барыта холбоон кыайыылааҕы талыыга 35 707 куолас киирбит.

«Сахамедиа» техническэй сулууспата киирбит куоластары бэрэбиэркэлээбитин кэннэ, кыайыылаах биллибит. Ол курдук  30 сыл устата бэйэтин идэтигэр бэриниилээхтик үлэлээбит Николай Дьяконов 15040 куолаһы хомуйан, маҥнайгы миэстэҕэ тахсыбыт! “Саха сирэ” хаһыат кэлэктиибэ кыайыылаах суоппары Николай Дьяконовы истиҥник эҕэрдэлиир уонна өссө үрдүк чыпчааллары ситиһэригэр баҕарар!

Куоластааһын түмүктүүр ааҕыы кэнниттэн кыайыылаахтар испииһэктэрэ маннык буолбут:

Николай Дьяконов – 15040 куолас

Георгий Петров – 13728 куолас

Николай Охлопков – 2544 куолас

Алексей Кривошапкин – 2288 куолас

Виктория Першикова – 2107 куолас.

«Гордость Якутии» бырайыак туһунан күрэх сүрүн сирэйигэр киирэн билсиэххитин сөп, үөскээбит ыйытыылары e-mail: gordost-yakutii@mail.ru аадырыска бырайыак кураторыттан Александра Смольскаяҕа суруйан билсиэххитин сөп. Эбэтэр Дьокуускай куорат, Орджоникидзе уулуссата, 31, 325 кабинекка билсиэххитин сөп.

Киирбит куоластары күн аайы «Сахамедиа» техническэй сулууспата кэтээн көрөр, куоластааһын ырааһын алгоритмнар көмөлөрүнэн эндэтэр үлэ ыытыллар.

Бириэмийэни тэрийээччи – «Сахамедиа» холдинг, холдинг иһигэр киирэллэр: «Саха сирэ» уонна «Якутия» хаһыаттар, YSIA.RU информагентство, Edersaas.ru уонна Якутия-Daily.ru саайтар. Бириэмийэ официальнай спонсордарынан Саха национальнай иһитин-хомуоһун оҥорор, атыылыыр «Камелек» тэрилтэ уонна «Киэргэ» ювелирнай тэрилтэ буолаллар. Бырайыак өрөспүүбүлүкэ Аҕа дойдуга бэриниилээх буолуу сылын чэрчитинэн оҥоһуллар. Номинация партнера — Саха Өрөспүүбүлүкэтин тырааныспар уонна суол сайдыытын министиэристибэтэ.

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0