Саха Өрөспүүбүлүкэтин күнүгэр аналлаах бырааһынньыктааҕы тэрээһиннэр бырагыраамалара
Муус устарга МК.Аммосов аатынан ХИФУ, АГАТУ, орто анал үөрэхтэр кыһаларыгар дойдуга бэриниилээх буолууга аналлаах кылаас чаастара, диспуттар, анал биэчэрдэр, уруһуй, өйтөн суруйуу, ааҕыы күрэстэрэ, билиини-көрүүнү тургутар оонньуулар, кинигэ быыстапкалара онлайн киэбинэн ыытылла тураллар.
Муус устар 20-27 күннэрэ
Судаарыстыбаннай, бэлитиичэскэй диэйэтэл И.Е.Васильев төрөөбүтэ 125 сылыгар аналлаах «Кустук ohyopдaax сырдыгар, Ылдьаа, эн олоҕун арыллар» диэн норуот уус-уран оҥоһуктарын өрөспүүбүлүкэтээҕи быыстапка-куонкуруһа Өксөкүлээх Өлөксөй аатынан норуттар доҕордоһууларын дьиэтигэр быыстапка саалатыгар буолар.
Бэлиитикэ уонна уопсастыба диэйэтэллэрин, култуура уонна ускуустуба үлэһиттэрин, блогердар экскурсияларын «Арассыыйа — мин историям» музей комплексын Инстаграм ситимигэр @my_history_ykt ыытылла турар.
Муус устар 22-28 күннэригэр
Ем.Ярославскай аатынан түмэлгэ эрдэттэн сайаапка хомуллан, Zoom платформа нөҥүө «Саха сирин уһулуччулаах бэлитиичэскэй диэйэтэллэрэ» уонна «СӨ бэлиэлэрэ уонна наҕараадалара»диэн тиэмэлэргэ лиэксийэлэр тиһиктэрэ ыытыллар.
Муус устар 23-24 күннэригэр
Куорат таһыгар уонна уокуруктарынан уопсай субуотунньук ыытыллар.
Муус устар 24 күнүгэр
11.00-17.00 «Арассыыйа — мин историям» түмэл уораҕайын ютуб ханаалыгар «Көстүүм устуоруйата» диэн тэрээһин ыытыллар. Саха көстүүмнэрин оһуорун ис хоһоонун туһунан лиэксийэни «Аныгылыы саха таҥаһа» уонна «Саха норуотун көстүүмнэрэ» кинигэлэр ааптардара С.И.Петрова ыытыаҕа. Ону сэргэ «Сүктүү» диэн киинэни көрдөрүөхтэрэ.
Муус устар 25 күнүгэр
14.00 ч «Эҕэрдэ, Саха сирэ» диэн ыччат бэстибээлэ Санкт -Петербург куоракка Обводнай ханаал биэрэгин 80 нүөмэрдээх дьиэтигэр ыытыллыаҕа.
16.00 ч Москва куоракка РФ Бэрэсэдьиэнигэр СӨ Бастайааннай бэрэстэбиитэлистибэтигэр ыытыллыаҕа.
16.00 ч Төрүт мусуой уораҕайыгар «Сааскы дорҕоон дьүһүнэ» диэн эдэр поэттар кыттыыллаах тэрээһин буолуоҕа.
Москва куорат «Атриум» киинэ тыйаатырыгар «Тыгын Дархан» киинэ сүрэхтэниэҕэ.
19.30 ч Ольга Подлужная -Уутай кэнсиэрэ Л.Рюмина фолькларнай киинигэр буолуоҕа.
Муус устар 26 күнүгэр
12.00 ч РФ уонна СӨ судаарыстыбаннай наҕараадаларын туттарыы Бырабыыталыстыба 1 нүөмэрдээх дьиэтигэр ыытыллыаҕа.
14.00 ч «Саха сирин чулуу уолаттара» диэн онлайн форматынан гражданственность туһунан уруоктар ыытыллыахтара.
Муус устар 27 күнүгэр
Саха сиригэр хомсомуол тэриллибитэ 100 сылыгар аналлаах көһө сылдьар быыстапка Нам улууһун Хатырык сэлиэнньэтигэр М.К Аммосов аатынан судаарыстыбаннас устуоруйатын мусуойугар туруоҕа.
«Муус устар27 күнэ — Саха Өрөспүбүлүкэтин күнэ» диэн хаартыска быыстапката онно туруоҕа.
«Ойуунускай аатынан судаарыстыбаннай бириэмийэ лауреаттара» быыстапка Таатта улууһугар Чөркөөх сэлиэнньэтигэр П.А.Ойуунускай аатынан СӨ судаарыстыбаннаһын мусуойугар туруоҕа.
«САССР бастакы салайааччыларын туһунан»диэн лиэксийэ эрдэ сурутуунан Ем.Ярославскай аатынан түмэлгэ ыытыллар. «ХХ үйэ чаҕылхай ыччатыттан биирдэстэрэ» диэн судаарыстыбаннай, уопсастыбаннай, бэлитиичэскэй диэйэтэл С.В.Васильев анаммыт иртуальнай быыстапка Инстаграмынан isidorbarakhovmuseum@ буолуоҕа.
И.Н.Барахов аатынан СӨ судаарыстыбаннай мусуойун Ютуб ханаалыгар. «Ыллыыбын, Хоту дойдум» өрөспүүбүлүкэтээҕи онлайн бэстибээл — төрүт тылынан ырыа күрэһэ Http//rdntykt.ru/ сайтка ыытыллыаҕа
12.00 Уһулуччулаах бэлитиичэскэй уонна уопсастыбаннай диэйэтэллэр пааматынньыктарыгар сүгүрүйэн үөрүүлээх быһыыга-майгыга сибэкки ууруута.
12.00 ч Сахафильм киинэ тыйаатырыгар «Тыгын Дархан» киинэни көрдөрүөхтэрэ
18.00 ч «Бүгүн эбэтэр хаһан да» испэктээк Былатыан Ойуунускай аатынан Саха тыйаатырыгар буолуоҕа.
18.00 ч «Кыһыл ойуун» испэктээк «Сэргэлээх уоттара» култуура киинигэр туруоруллар.
18.00 ч В.Федоров «Запасной аэродром» испэктээгэ А.С.Пушкин аатынан драматическай тыйаатырга сүрэхтэниэҕэ.
18.30 ч «Сандаарар Сахам Сирэ» кэнсиэри Ю.Е.Платонов аатынан судаарыстыбаннай эстрада тыйаатырыгар көрдөрүөхтэрэ
Муус устар 28 күнүгэр
14.00 ч «Мин сүгүрүйэр ытык киһим» С.В.Васильев төрөөбүтэ 125 сылыгар аналлаах төгүрүк остуолу П.А.Ойуунускай аатынан литература мусуойа Zoom платформанан онлайн ыытыллыаҕа