Саха Өрөспүүбүлүкэтин Ил Дархана Айсен Николаев Афганистантан сэбиэскэй сэриилэри таһаарыы 30 сылынан эҕэрдэтэ

Ааптар: 
Бөлөххө киир:

Афганистаҥҥа бойобуой дьайыылар ытыктабыллаах  кыттааччылара!

Афганистан сиригэр-уотугар тоҕустан тахса сыл устата буолан ааспыт байыаннай дьайыылар 1989 сыл олунньу 15 күнүгэр сэбиэскэй сэриилэр контингеннарын таһаарыынан түмүктэммитэ. Бу күн “Афганистан сэриитин” түмүктэниитинэн ааҕыллар.

Бүгүн биһиги Афганистан Демократическай Өрөспүүбүлүкэтин сиригэр-уотугар хамаандабанньыйа туруорбут соруктарын толорбут Арассыыйа олохтоохторун туһунан өйдөбүнньүк күнү бэлиэтиибит уонна бэйэлэрин олохторун толук ууран, Ийэ дойдуларын иннигэр ытык истэрин толорбуттары ахтан-санаан ааһабыт, кэриэстиибит.  Бу күҥҥэ бирисээгэҕэ, сулууспалыыр ытык иэскэ  эрэллээх буолуу, төрөөбүт дойдуларын интэриэһин көмүскээн, доруобуйаларын уонна олохторун биэрбит саллааттар уонна офицердар фроҥҥа доҕордуу буолуулара  барыта түмүллэр. Биһиги иэспит – кинилэргэ уонна кинилэр дьиэ кэргэттэригэр эргиччи көмөнү уонна өйөбүлү оҥоруу.

Хорсун быһыыгыт иһин махтанабыт! Эһиги инникитин даҕаны судаарыстыбабыт уонна уопсастыбабыт бигэ тирэҕинэн буолуоххут диэн бүк эрэнэбин. Эһиэхэ чэгиэн доруобуйаны, сүрэххитигэр уоскулаҥы уонна бигэ туруктаах буолууну баҕарабын. Чугас дьоҥҥут уонна хаан уруу аймахтаргыт итии сыһыаннара угуттаатын!

Айсен Николаев, Саха Өрөспүүбүлүкэтин Ил Дархана

+1
0
+1
0
+1
0
+1
0
+1
0
+1
0
+1
0