Саха Өрөспүүбүлүкэтин баһылыгын граннарын иккис куонкуруһа саҕаланна

Ааптар: 
Бөлөххө киир:

Бүгүн, ыам ыйын 20 күнүгэр, өрөспүүбүлүкэҕэ гражданскай уопсастыбаны сайыннарыыга Саха Өрөспүүбүлүкэтин баһылыгын граннарын иккис күрэҕэр сайаапкалары киллэрии саҕаланна. Социальнай хайысхалаах коммерческайа суох тэрилтэлэртэн сайаапкалары ылыы бэс ыйын 20 күнүгэр диэри салҕанар.

Гражданскай уопсастыбаны сайыннарыыга Ил Дархан гранын тэрийии туһунан быһаарыыны Айсен Николаев 2020 сыллаахха таһаарбыта. Баһылык этэринэн, социальнай хайысхалаах коммерческайа суох тэрилтэлэр бырайыактара дьон олоҕун тупсарыыга биир саамай көдьүүстээх үнүстүрүмүөнүнэн буолаллар. Тоҕо диэтэххэ  кинилэр саҥа киллэриилэрэ, көҕүлээһиннэрэ өрөспүүбүлүкэҕэ олорор олохтоох дьонтон тахсар.

Үс сыл иһигэр Саха сирин баһылыгын граннарын күрэҕэр барыта 1044 сайаапка киирбитэ, өйөбүлү 213 бырайыак ылан, 247 мөл. солк. тахса суумаҕа көмө ылбыттара.  Бу сылга  Саха сирин баһылыгын граннарын бастакы күрэҕигэр уопсайа 97 мөл. солк. кэриҥэ үпкэ бырайыактарга тарҕаммыта.

Саха сирин баһылыгын граннарын 2022 сылга иккис күрэҕэр түөрт хайысханан биллэрилиннэ: «Ыччат бырайыактарын өйөөһүн”, “Добровольческай (волонтерскай) үлэни өйөөһүн», “Гражданскай уопсастыба институттарын сайыннарыы”, “Көрүүтэ суох уонна сокуоннай саастарын ситэ илик оҕолор быраабы кэһиилэрин сэрэтии”. Бу хайысхалары сайыннарыыга 9,7 мөл. солк. тахса суумалаах үбүлээһин күүтүллэр.

Өрөспүүбүлүкэҕэ гражданскай уопсастыбаны сайыннарыыга Саха сирин баһылыгын граннарын иккис күрэҕигэр кыттыы усулуобуйатын, тематикатын сиһилии манна билсиэххэ сөп

Саха сирэ» хаһыат, edersaas.ru

Хаартыска sakha.gov.ru

+1
0
+1
0
+1
0
+1
0
+1
0
+1
0
+1
0