Бэҕэһээ, сэтинньи 1 күнүгэр, «Саня, газуй!» диэн ааттаах сериал трейлерэ сүрэхтэннэ. Саҥа сериалы «СКАZКА» киинэ хампаанньата уонна «Молодежные инициативы» киин оҥорон таһаардылар.
Бырайыакка Саха сиригэр биллэр вайнер, артыыс Виталий Щукин (Гриша оруолун толордо) оонньоото. Виталийы ыччат «Агент Мамбо», «Трупак» киинэлэргэ сүрүн оруолу оонньообутунан билэр. Итиэннэ сериалы оператор Иван Семенов («Пугало», «Костер на ветру», «Нет бога кроме меня» уо.д.а.) уһулла.
Саҥа сериал Саня диэн кыыс массыынаны өрөмүөннүүр мастарыскыайга үлэлии кэлбитин туһунан. Бастакы сиэрийэ сэтинньи 7 күнүгэр MEDIAPOLE ютуб-ханаалга, «ВКонтакте» саайтка, RUTUBE платформаҕа көстүөҕэ.
Бырайыакка Арассыыйа көрөөччүлэрэ сөбүлүүр артыыстара Андрей Федорцов («Убойная сила», «Брат»), Михаил Богдасаров («Майор Гром», «Тайна снежной королевы»), Олег Тактаров («Конёк Горбунок», «Сокровища нации»), Ирина Темичева («Кухня», «Сладкая жизнь») уо.д.а. оонньууллар. Оттон сүрүн оруолу Арина Федорова толорор. Режиссер — Филипп Абрютин («Команда мечты», «Звёзды мне укажут путь»).
Трейлери көрүҥ: