«Саха» НКИХ бырайыага — «ТЭФИ-РЕГИОН — 2020» куонкурус кыайыылааҕа

Ааптар: 
Бөлөххө киир:

«Саха» НКИХ бырайыага «ТЭФИ-Регион — 2020» куонкурус кыайыылааҕынан буолла.

Калугаҕа XIX төгүлүн ыытыллыбыт «ТЭФИ-Регион — 2020» Бүтүн Арассыыйатааҕы телевизионнай куонкурус кыайыылаахтарын эҕэрдэлээһин өрөгөйдөөх үөрүүтэ буолла. Бу далааһыннаах күөн күрэскэ «Тэлэбиидэнньэ уонна олох. Анал бырайыак» («Телевидение и жизнь. Специальный проект»)  номинация кыайыылааҕынан «Саха» НКИХ  «Дыгын оонньуулара» бырайыага кыайыылааҕынан таҕыста диэн СИА иһитиннэрэр.

«2020 сыл саҕаланыытыгар, уон тохсус төгүлүн ыытыллар «ТЭФИ-Регион»  күөн күрэһигэр ситиһиилэниэхтээхпит диэн сыал туруоруммуппут. Бу Арассыыйа бары эрэгийиэннэрин телехампаанньалара кыттар улахан куонкурустара. Хас биирдии бэйэтин ытыктанар хампаанньа маннык статуэткалаах буолуохтаах, ол эрээри, бу наҕараадаҕа тиксэр уустук. Биһиги хаста да финалистар ортолоругар киирэ сылдьыбыппыт эрээри, биэтэккэ бэрт кыранан хаалар этибит», — диир «Саха» НКИХ генеральный дириэктэрэ Олег Марков. Калугаҕа статуэтканы телехампаанньа сүрүн дириэктэрэ Олег Колесов ылла.

«ТЭФИ-Регион» бырайыак — Арассыыйа бары эрэгийиэннэрин телехампаанньаларын түмэр, сибээстиир. Күөн күрэс сыала: эрэгийиэн тэлэбиидэнньэтигэр үлэлиир профессионаллар суолталаах үлэлэрин бэлиэтээһин, биһирээһин.

Быйылгы күрэскэ дойду бары муннугуттан 600-тэн тахса үлэ киирбит. Итинтэн куонкуруска 81 куораттан, 130 телехампаанньатыттан  459 үлэ талыллыбыт. «Тэфи» наҕараадатыгар 10 эрэ телехампаанньа тиксибит.

+1
0
+1
0
+1
0
+1
0
+1
0
+1
0
+1
0