Уопсастыба Үөрэх уонна наука

Саха науката киһи олоҕо тупсарыгар көмөлөһөр



Бүгүн, муус устар 7 күнүгэр, СӨ үөрэҕин уонна наукатын миниистирин солбуйааччы Михаил Присяжнай быһа эпииргэ тахсан, нэһилиэнньэ ыйытыыларыгар эппиэттээтэ.

edersaas.ru

 

—Быйыл ыытыллыахтаах «Манчаары оонньууларын”  чэрчитинэн, биһиги министиэристибэбит “Физкултуураҕа инновационнай үлэ” Бүтүн Арассыыйатааҕы научнай-практическай кэмпириэнсийэни тэрийиэхтээх. От ыйын алтыс күнүгэр Дьокуускайга маҥнайгы истии, нөҥүө күнүгэр Бэрдьигэстээххэ  иккис истии ыытыллыаҕа. Бу кэмпириэнсийэ сүрүн идиэйэтэ – спортивнай олимпийскай бэлэм тирэҕэ үөрэхтээһиҥҥэ сытар диэн. Барыгытын көхтөөх кыттыыны ыларгытыгар ыҥырабын.

—Саха науката киһи олоҕун тупсарыгар туох үлэни оҥороруй?

Омос гынан көрдөххө, билигин биһиги тутта сылдьар тэриллэрбит, ньымаларбыт, тыа хаһаайыстыбата да буоллун, күннээҕи да олоххо, бу барыта наука чинчийиилэриттэн тахсыбыт арыйыылар.

—Үрдүк үөрэх кыһаларыгар үөрэх бырассыаһа билигин хайдаҕый?

—Муус устар 5 күнүнээҕи туругунан, өрөспүүбүлкэ үрдүнэн уопсайа 23 тыһыынча устудьуон техническай идэҕэ үөрэнэр.  Олортон аҥаара, ол аата 11 тыһыынча устудьуон номнуо «очнай» үөрэниигэ  киирбиттэрэ. 15 тыһыынча устудьуон кэтэхтэн үөрэнэр.

          

Виктория Бястинова, edersaas.ru саайт, «Саха сирэ» хаһыат.

Ааптар хаартыскаҕа түһэриитэ. 

0
0