Соторутааҕыта Уус Алдан Лөгөйүттэн төрүттээх Чехияҕа олорор Алена Лыткина Америка (Ямайка) офицера Кемар Веддбурнҥа кэргэн тахсыбытын туһунан edersaas.ru сайтка суруйбуппут.
Эдэрдэр Кыайыы күнүгэр уол оҕолоннулар. Алена бэйэтин Инстаграмыгар үөрүүлээх сонунун маннык үллэстэр: Ыам ыйын 9 күнэ — Кыайыы күнүгэр — биһиги уолбут Джэйден Веддбурн күн сирин көрдө. Биһиги киниэхэ саамай үчүгэй төрөппүт буоларга кыһаллыахпыт. Оҕобут аан дойду киһитэ — кини хара, кини азиат, кини сырдык хааннаах, кини американец, кини россиянин. Тапталы, сэрии буолбатын.
Алена Рианнаҕа бастыҥа бэлэхтээбитэ
Аҕыйах сыллааҕыта Аленаны аатырар поп-ырыаһыт Рианна бэйэтин кэнсиэригэр ыҥырбыта. Онуоха кыыс киниэхэ сахалыы бастыҥа кэтэрдибитэ. Бу туһунан биһиги «Эдэр саас» хаһыакка суруйбуппутун манна ааҕыҥ.
Хаартыска: Валентина Кэрэли түһэриитэ уонна дьоруой социальнай страницатыттан ылылыннылар.