Батсаабынан саха кыыһа эһэни бултаабытын туһунан хаартыска тилийэ көттө.
Ону тугун-ханныгын билээри, Евгения Павлова суотабай төлөпүөнүн нүөмэрин булан эрийэн ыйыталастыбыт.
«Бэҕэһээ Коми Өрөспүүбүлүкэтигэр эһэни булчут ытынан блтуур анал бөлөххө кытынным. Бэйэм булчут ыттары иитиинэн дьарыктаммытым сылтан ордунна, Покровскай куоракка бэтэринээринэн үлэлиибин. Булчут ыттары ииттэн саҕалаабыт буолан, МР саа ылынан быйыл саас кустаабытым. Күһүн кустаабатым. Ол оннугар бу тыатааҕыны бултааһыҥҥа анаан-минээн кэлэн кытынным. Хас да бөлөххө арахсан, булчут ыттаах тыатааҕыны сонордоһо диэн ойуурга тахсаллар эбит. Оннук тэрээһиҥҥэ кытынным. Хаартыскаҕа аттыбар олорор кыыс эмиэ булчут ыттары иитиинэн дьарыктанар Гульнара диэн кыыс. Мин бу анал тэрээһиҥҥэ саам суоҕа, бултааччылар аттыларыгар сылдьыбытым», — диэн кэпсээтэ.