Саха кыыһа Сахая Александрова Римс диэн Индия уолун кытта ыал буолла. Кыыс Римсы таптаан «Индия принца» диэн ааттыыр эбит.
Сиһилии Сахая «Sakhaday» кэпсээбит.
— Биһиги Facebook нөҥүө билсибиппит. Бастаан утаа суруйсан баран, умнан кэбиспитим. Ый курдук ааспытын кэннэ, «көрсүөххэ, эйигин күн аайы түүлбэр көрөбүн» — диэбитэ. Киинэҕэ барбыппыт уонна ол кэмтэн ыла арахсыбаппыт. Бастакы көрсүһүүттэн ыла тапсыбыппыт, бэйэ-бэйэбитин тута өйдөһөр этибит. Аҕыйах хонон баран «кэргэн таҕыс» — диэбитэ, онтон бэрээдэк быһыытынан тобуктаан туран, кыһыл көмүс биһилэх бэлэхтээбитэ. Индия култууратыгар оннук эбит — сылы сылынан сылдьар, арахсар, холбоһор кинилэргэ көрүллүбэт — тута холбоһоллор.
— Төрөппүттэрбит икки өттүттэн өйөөбүттэрэ. Билигин Дьокуускайга олоробут, кыыдааннаах кыһыммытын Римс үчүгэйдик тулуйар, халыҥнык таҥна сылдьар. Английскайдыы кэпсэтэбит, кыралаан нууччалыы саҥарар. Кини миигин гуджарати тылыгар үөрэтэр. Индия Гуджарат штатыттан сылдьар, онно эти атыылаабаттар эбит. Арыгы эмиэ бобуулаах, итирик киһини хаайыыга угаллар. Тапталааҕым вегетарианец, олус минньигэстик астыыр, дьиэ ис-тас үлэтин барытын сатыыр, чэнчис туттунуулаах.
Римпал бизнес эйигэтигэр бакалавр, билигин магистратураҕа үөрэнэр, алмаас хампаанньатыгар үлэлиир. Мин английскай учууталабын.