Култуура Сүрүн

Саха киинэлэрэ «Амур күһүнэ» бэстибээлгэ миэстэлэстилэр

«Амур күһүнэ» диэн киинэ уонна тыйаатыр XX үбүлүөйдээх бэстибээлэ балаҕан ыйын 11-18 күннэригэр Благовещенскай куоракка буолан ааста. Манна Саха сирин режиссердара  Александр Лукин “Белый ангел тундры” диэн киинэтинэн уонна Степан Бурнашев “Биһиги кыһыммыт” диэн киинэтинэн куонкуруска кытыннылар.

Александр Лукин киинэтэ Амур уобалаһын култууратын министиэристибэтин “За обращение к теме гуманизма и сохранение исторической памяти” диэн анал бирииһин ылары ситистэ. Бэлиэтээн эттэххэ, киинэ Баһылай Харысхал пьесатынан уһуллубута. Киинэ премьерата саас Москваҕа буолбута. Оттон Степан Бурнашев “Биһиги кыһыммыт” киинэтэ “Оператор бастыҥ үлэтэ” диэн номинацияҕа тигистэ. Бу киинэҕэ дьиэ кэргэн уустук олоҕо ойууламмыт. Улахан экраҥҥа сэтинньи ыйтан көстөрө былааннанар.

Ульяна ЗАХАРОВА.

0
0
Telegram @edersaas20