Бүгүҥҥүттэн, от ыйын 30 күнүттэн, Рим (Италия) «Centro Olimpico – PalaPellicone» диэн спорт комплексыгар эдэрдэр ортолоругар спортивнай тустууга Европа чөмпүйэнээтэ саҕаланна.
Бу күрэхтэһиигэ Арассыыйа сүүмэрдэммит хамаандатыттан саха тустууга оскуолатын икки иитиллээччитэ — Петр Копылов уонна Алина Казымова – кыттыахтара.
Өйүүн , атырдьах ыйын 1 күнүгэр, сүрүн тириэньэр Петр Юмшанов салалтатынан дойду эдэрдэргэ сүүмэрдэммит хамаандата Италияҕа көтүөҕэ. Петр — 57 кг, Алина – 59 кг диэри ыйааһыҥҥа тустуохтара.
Санатан эттэххэ, Петр Копылов уолаттар ортолоругар Арассыыйа уонна аан дойду чөмпүйүөннэринэн буолар. Оттон Алина Казымова Арассыыйа быйылгы сүүмэрдиир күрэхтэһиилэрин кыайан, Европа уонна аан дойду чөмпүйэнээттэригэр кыттар быраабы ылбыта.
Спортивнай тустууга эдэрдэргэ Европа чөмпүйэнээтэ атырдьах ыйын 5 күнүгэр түмүктэниэҕэ.
Роман Попов, «Саха сирэ» хаһыат, edersaas.ru
Хаартыска Интэриниэттэн ылылынна.