Саҥа дьыллааҕы уһун өрөбүллэргэ үгүс дьон сынньана сытар. Дьыбааҥҥа тиэрэ түһэн, “күөх экраны” көрүү, ыалларга күүлэйдии барыы, ыалдьыттары көрсүү… Ол эрээри, биэс киһилээх биригээдэ бу кыһын ортото Хатаска Ороһооспо күн 8 да 9-таах, икки мэндиэмэннээх чааһынай дьиэни тутан бүтэрдэ. Ахсынньы 31 күн Саҥа дьылы ылан баран, тохсунньу 2 күнүгэр үлэлии тахсыбыттар. Дьэ, маладьыастар! Мин биир бэйэм кинилэринэн киэн туттабын! Дьокуускай куоракка таас дьиэлэргэ күннээх Кавказ уолаттара Саҥа дьыллааҕы өрөбүллэри аахсыбакка, өрөмүөн үгэнин ыыта сылдьар буолуохтаахтар.
Биригээдэ салайааччыта Петр Слепцов:
—Дьиэни тутан саҕалаабыппыт ый кэриҥэ буолла. Кыһын күн кылгас буолан, уһуннук кыайан үлэлээбэппит. Ол иһин, өр туттубут. Саҥа үлэлээн эрдэхпитинэ, хараҥаран хаалар. Сайын эбитэ буоллар бэрт түргэнник бүтэриэ этибит. Ол да буоллар, дьирээлэһэн биэтэккэ кэллибит. Бу күннэргэ стеклопакет түннүктэри туруордубут. Дьиэни “подключ” тутан үлэҕэ киллэрдибит. Аҕыйах күн сынньана түһэн баран, салгыы атын дьиэни тута барыахпыт.