Саха эмэн сүүрүүктэрэ Улуу Өктөөп 100 сылын көрсө 100 биэрэстэни бэдьэйдилэр

Бүгүн, алтынньы 29 күнүгэр, киин куорат Ленин аатынан болуоссатыгар Хаҥалас улууһун Үөһээ Бэстээҕиттэн сүүрэн кэлбит сындалыйбат сындааһыннаах бэтэрээн спортсменнары үөрүүлээх быһыыга-майгыга көрүстүлэр.

Эдэрдии эрчимнэрин ыһыкта илик сүүрүүктэр уон көс сири солбуһа сылдьан, суоттаммыттарын курдук, уон чааһынан  бэдьэйэн кэллилэр.

Сүүрүүктэри РФКП Саха сиринээҕи кэмитиэтин бастакы сэкирэтээрэ, Ил Түмэн бэрэссэдээтэлин солбуйааччы Виктор Губарев, Ил Түмэн дьокутаата Петр Аммосов истиҥник эҕэрдэлээтилэр.

Чэбдик олох ахсаабат пропагандистара бу тэрээһиннэрин Улуу Өктөөп 100 сылыгар итиэннэ Хомсомуол күнүгэр анаатылар.

Роман Попов, «Саха сирэ» хаһыат

Ааптар хаартыскаҕа түһэриитэ.