Бу күннэргэ Ижевскэй куоракка буулдьанан ытыыга Арассыыйа чөмпүйэнээтэ түмүктэннэ. Онно Саха сириттэн Чурапчытааҕы спорт киинин бэргэннэрэ Александр Петров, Ольга Аманатова, Сайаана Ефимова итиэннэ Катерина Максимова тиийэн күрэстэстилэр.
Чурапчытааҕы физкультурнай институт төрдүс кууруһун устудьуона Ольга Аманатова биэстэ эстэр салгын бэстилиэтинэн ытыыга Арассыыйа күрэһин үрүҥ көмүс призерунан буолары ситистэ. Кини кыайыылааҕы быһаарар күрэскэ Светлана Медведеваҕа (Санкт-Петербург) баһыйтарда.
Александр Петров салгын бэстилиэтинэн ытыыга 380 очукуону ылан, финалга кыайан киирбэтэ. Ол эрээри, бастыҥнар көрдөрүүлэрин арыта кыратынан, тириэньэрдэр Александры Европа чөмпүйэнээтигэр кыттар хамаанда састаабыгар киллэрэргэ быһаардылар.
Роман ПОПОВ, «Саха сирэ» хаһыат, edersaas.ru
Хаартыска: интэринэттэн ылылынна
+1
1
+1
+1
+1
+1
+1
+1