Бу күннэргэ Красноярскайга саҕаланар Дмитрий Миндиашвили аатынан Тустуу академиятын бирииһигэр Бүтүн Арассыыйатааҕы турнирга Саха сириттэн 26 бөҕөс кыттыаҕа. Бу туһунан спортивнай тустууга федерация пресс-сулууспата иһитиннэрдэ.
edersaas.ru
Миндиашвили түһүлгэтигэр өрөспүүбүлүкэ бары күүстээх бөҕөстөрө, ол иһигэр Арассыыйахас да төгүллээх призердара Арыйаан Тютрин, Виктор Рассадин, устудьуоннар ортолоругар аан дойду чөмпүйүөнэ Эдуард Григорьев, норуоттар икки ардыларынааҕы кылаастаах спорт маастардара Ньургун Александров, Герман Устинов уо.д.а. кыттыахтара.
Кинилэри сэргэ Москва сүүмэрдэммит хамаандатыттан 57 киилэҕэ диэри ыйааһыҥҥа саха тустууга оскуолатын иитиллээччилэрэ Егор Потапов, Михаил Иванов тустуохтара.
Билэргит курдук, бу түһүлгэҕэ Иван Ярыгин кэриэһигэр норуоттар икки ардыларынааҕы Гран-при турнирга кыттарга тиһэх путевкалар оонньонуохтара.
Саха сирин сүүмэрдэммит хамаандатын састааба:
57 кг — Арыйаан Тютрин, Виталий Эспек, Федор Постников, Михаил Васильев, Алексей Копылов, Петр Копылов, Быйаман Яковлев, Айсиэн Винокуров, Петр Константинов, Георгий Кычкин;
61 кг — Дмитрий Аксенов, Эдуард Григорьев, Семен Владимиров, Айсен Потапов, Ньургун Александров, Петр Павлов;
65 кг — Виктор Рассадин, Дьулустаан Булатов, Юрий Протодьяконов;
70 кг — Константин Власов, Иван Ефремов, Тимур Николаев;
74 кг — Герман Устинов, Айсен Копырин;
92 кг — Ньургун Сергин;
125 кг — Никита Хабаров.
Роман Попов, edersaas.ru
Хаартыска Интэриниэттэн ылылынна