Кулун тутар 9-11 күннэригэр Улан Удэ куоракка буолар Бурятия баһылыгын бирииһигэр көҥүл тустууга норуоттар икки ардыларынааҕы турнирга уон биэс судаарыстыба бастыҥ бөҕөстөрө кыттыахтара.
Бу түһүлгэҕэ Арассыыйа сүүмэрдэммит хамаандатыттан дойду 2017 сыллааҕы призердара Виктор Рассадин (65 кг) уонна Дмитрий Аксенов (57 кг) тустуохтара. Биллэрин курдук, бастакы нүөмэрдэр бу ый бүтүүтэ Болгарияҕа ыытыллар «Дан Колов и Никола Петров» турнирга бэлэмнэнэллэр. Ол түмүгүнэн Каспийскайга буолар Европа чөмпүйэнээтигэр кыттар хамаанда сүүмэрдэниэҕэ. Оттон Бурятия түһүлгэтэ муус устар ыйга АХШ-га ыытыллар аан дойду Кубогар сүүмэрдээһин биир түһүмэҕинэн буолуоҕа.
Улан Удэтээҕи турнирга Саха сирин чиэһин Петр уонна Алексей Копыловтар, Арыйаан Тютрин (57 кг), Вячеслав Ефремов, Петр Павлов, Айхаан Антонов (61 кг), Дьулустаан Булатов, Эдуард Григорьев (65 кг), Константин Власов, Герман Устинов, Иван Барашков итиэннэ Тимур Николаев (70 кг) көмүскүөхтэрэ.
Кинилэри сэргэ саха тустууга оскуолатын өссө бир иитиллээччитэ — Иван Ярыгин турнирын чөмпүйүөнэ, Тахти Кубогын кыайыылааҕа Ньургун Скрябин (Белоруссия) кыттара күүтүллэр.
Бурятия баһылыгын бирииһигэр көҥүл тустууга XXIII норуоттар икки ардыларнааҕы турнирга кыттар Арассыыйа сүүмэрдэммит хамаандатын састааба:
57 кг — Хуреш-оол Дондук-оол, Дмитрий АКСЕНОВ, Расул Машезов
61 кг — Александр Богомоев, Зелимхан Абакаров, Джамал Отарсултанов
65 кг — Виктор РАССАДИН, Гамлет Рамонов, Абдула Ахмедов, Магомед Магомедов
70 кг — Магомедрасул Газимагомедов
74 кг — Тимур Бижоев, Халил Аминов, Никита Сучков
79 кг — Аниуар Гедуев, Радик Валиев, Магомед Рамазанов
86 кг — Даурен Куруглиев, Алихан Жабраилов
92 кг — Анзор Уришев, Юрий Белоновский
97 кг — Шамиль Мусаев
125 кг — Алан Хугаев, Балдан Цыжипов, Мухамагази Магомедов, Анзор Хизриев, Магомедгаджи Нурасулов, Хасан Хубаев.
Роман Попов, “Саха сирэ” хаһыат, edersaas.ru