Саха бөҕөстөрө Каспийскай, Кызыл түһүлгэлэригэр тустуохтара

Бүгүҥҥүттэн Дагестан Каспийскай куоратыгар аан дойду биэс төгүллээх чөмпүйүөнэ Али Алиев кэриэһигэр көҥүл тустууга норуоттар икки ардыларынааҕы турнир саҕаланар.

Манна тириэньэрдэр Будимир Яковлев, Гаврил Игнатьев салалталарынан Саха сириттэн үс бөҕөс тустар – Дмитрий Коркин Гран-при турнирын кыайыылаахтара, призердара Ньургун Александров, Герман Устинов уонна Дьулустаан Булатов.

Кэлэр нэдиэлэҕэ Тыва киин куоратыгар “Азия киинэ” Бүтүн Арассыыйатааҕы күрэхтэһии саҕаланар. Онно Бурятия, Красноярскай кыраай, Новосибирскай, Кемеровскай уобаластар, Хакасия, Кемерово, Саха сирин, Сибиир, Уһук Илин регионнарын хамаандалара кэлиэхтэрэ. Бу улахан түһүлгэҕэ Саха сирин сүүмэрдэммит хамаандатын хапытаана Виктор Рассадин, Европа күрэхтэһиитин кыайыылааҕа Георгий Окороков итиэннэ олимпийскай эрэл училищетын иитиллээччитэ Александр Неустроев кыттыахтара диэн буолар.

Роман ПОПОВ, “Саха сирэ” хаһыат, edersaas.ru