2016 сыллаахха өрөспүүбүлүкэ бырабыыталыстыбата 100 уопсастыбаннай көҕүлээһиҥҥэ куонкурус биллэрбитэ. Ол сылтан саҕалаан куонкуруска 28 улуустан 194 бастыҥ көҕүлээһин кыттыбыта.
Бу күннэргэ туһааннаах көҕүлээһиннэри түмэр сыаллаах, 100 бырайыактан турар сонун кинигэ бэчээттэнэн таҕыста. Кинигэҕэ биһиги бары билэр киһибит, волонтер, үтүө санаалаах Антон Васильев «384 үтүө дьыала» бырайыага эмиэ киирдэ.
Антон 2018 сыл балаҕан ыйыттан саҕалаан, 384 үтүө дьыаланы оҥоруохтаахпын диэн бырайыагын көмүскээн, сүүс көҕүлээһин бырайыакка кыттыбыта.
Антон Васильев Дьокуускай куоракка олорор. Эдэр киһи бэйэтин үтүө көҥүлүнэн күннэтэ бөх хомуйар, элбэх оҕолоох, кыаммат ыалларга көмөлөһөр, араас аһымал бырайыактары тэрийэн үлэлэтэр.
edersaas.ru
+1
+1
+1
+1
+1
+1
+1