Дьокуускай куорат дьаһалтатыгар МУП ЯПАК-ка 55 саҥа оптуобустары аҕалыы туһунан иһитиннэрдилэр.
Онтон 35 оптуобуһу чааһынай урбаанньыттар «СоюзАвто” НКО, ордубут 10 оптуобус куорат таһыгар сүүрдүүгэ туһаайыллыбыттар.
Оптуобус паркатын саҥардыыга Тырааныспар министиэристибэтэ субсидия көрүөҕэ. Хас биирдии оптуобуска 1,2 мөлүйүөн солкуобай көрүллүөҕэ диэн «Дьону тиэйиинэн дьарыктанар” тэрилтэ салайааччыта Александр Андросов иһитиннэрдэ. Саха АССР 100 сылын көрсө 100 оптуобуһу атыылаһыы былааннанар. Бу оптуобустар бары гааһынан уматыктаныахтара.
Гаас уматыктаах айанныыр тиэхиньикэ айылҕаҕа буортута арыый кыра. Онон ситимнээн 2030 сылга диэри Саха сиригэр 40 гаас ыстаансыйатын тутан массыыналар уматыктарын хааччыйыыны былаанныыллар. Бүгүҥҥү күҥҥэ өрөспүүбүлүкэҕэ гааһынан массыыналары хааччыйар сэттэ компрессорнай, ону таһынан гааһынан хааччыйар 23 сапыраапка уонна көһө сылдьар 23 гаас ыстаансыйата үлэлиир.
Ульяна ЗАХАРОВА, edersaas.ru