Саха АССР 100 сылыгар — 100 бастыҥы

Ааптар: 
Бөлөххө киир:

«Сүүс бастыҥ уопсастыбаннай көҕүлээһин» диэн күөн күрэс САССР 100 сылын көрсө анаан ыытыллар.

Бу туһунан СӨ Тас сибээскэ уонна норуоттар дьыалаларыгар министиэристибэ бэлиэтээн туран, Ыччат министиэристибэтин пресс-сулууспата СИА иһитиннэрбитин ыйар. 2022 сылга Саха АССР төрүттэммитэ сүүс сылын туолар. Бу бэлиэ даатаны көрсө, 2016 сылтан «100 бастыҥ уопсастыбаннай көҕүлээһин» диэн күрэс ыытыллар. Манна үөрэхтээһиҥҥэ, наукаҕа, успуорка, култуураҕа, тулалыыр эйгэни харыстааһыҥҥа, демографияҕа, о.д.а. бырайыактар көрүллэллэр диэн бэлиэтэнэр. Уопсастыбаннай күүһү түмэр, сомоҕолуур сыаллаах-соруктаах ыытыллар күрэс быйыл атырдьах ыйыттан саҕаланыа диэн СӨ Ыччат министиэристибэтэ иһитиннэрбит.

Оттон 2022 сылга «100 лучших общественных инициатив – к 100-летию ЯАССР» диэн кинигэ таһаараллар, манна кыайыылаахтар уонна күөн күрэс спонсордара киллэриллиэхтэрэ дииллэр.

Күөн күрэс туһунан сэҥээрбиттэр, сэргээбиттэр сиһилии СӨ Тас сибээскэ уонна Ыччат министиэристибэлэрин саайтарыгар көрүөххүтүн сөп.

+1
0
+1
0
+1
0
+1
0
+1
0
+1
0
+1
0